كۇنى كەشە «ءسان جانە ديزاين» كوللەدجىندە ورىن العان اپاتتان ءتۇرلى دەنە جاراقاتتارىن العان 12 ستۋدەنتتىڭ 5ء-نىڭ جاعدايى تىم اۋىر»-دەپ حابارلايدى Zakon.kz. وقيعا ورىن العان جەردەن قالالىق اۋرۋحاناعا جەدەل-جاردەم كولىگىمەن 11 ستۋدەنت جەتكىزىلگەن. ءوز دەنساۋلىعىنا كۇدىكپەن قاراعان 1 ستۋدەنت كەيىننەن دارىگەرلەر كومەگىنە جۇگىنگەن. ءقازىر 5 ستۋدەنتتىڭ جاعدايى اۋىر حالدە. 2 ستۋدەنتكە وتا جاسالىپ، ولار ءقازىر جان ساقتاۋ بولىمىندە، قالعان 3 ستۋدەنتكە وتا ەندى جاسالاتىندىعى مالىمدەلىپ، وتادان سوڭ ولاردا جان ساقتاۋ بولىمىنە جاتقىزىلاتىندىعىن حابارلادى. قالعان 7 ستۋدەنتكە جارالارىن تاڭىپ، ءتۇرلى مەديسينالىق كومەكتەر كورسەتىلۋدە. قالالىق دەنساۋلىق ساقتاۋ ءبولىمىنىڭ باسشىسى ماناس رامازانوۆتىڭ مالىمدەۋىنشە قالعان 7 ستۋدەنت «جەڭىل» كونتۋزيا العان. الداعى ۋاقىتتا جاپا شەككەن ستۋدەنتتەرمەن لور، نيەۆروپولوگتار جۇمىس ىستەيدى. قازىرگە ۋاقىتتا اتا-انالارىمەن قوسا پسيحولوگتاردىڭ نازارىندا. الماتى پوليسيا بولىمشەسڭ وقيعاعا بايلانىستى 2 بىردەي قىلمىستىق ءىس قوزعادى. ق ر قىلمىستىق كودەكستىڭ  251 تارماعى بويىنشا(زاڭسىز قارۋدى قولدانۋ، ساقتاۋ تاسىمالداۋ)، ەكىنشى ءتۇرى 101 تارماعى بويىنشا (ابايسىزدا كىسى ءولتىرىپ الۋ) قاراستىرالادى. ال ءااد (العاشقى اسكەري دايىندىق) ءپانىنىڭ وقىتۋشىسىن ۋاقىتشا ءبىر تاۋلىككە قاماۋعا الىنىپ، تەرگەۋ امالدارى جۇرگىزىلۋدە. قالا اكىمى احمەتجان ەسىموۆ مىرزا بارلىق وقۋ ورىندارىنداعى اتالمىش پانگە قاتىستى «اتىس قۇرالدارىن، وق-دارىلەردى» تەكسەرىستەن وتكىزىپ، ولاردىڭ ءپان نەگىزىندە تۇتىنۋعا تىيىم سالاتىنىن ايتتى. بۇل دەگەنىڭىز، وسى كۇنگە دەيىن اسكەري دايىندىقتا شىن اتىس قارۋلارى قولدانىلىپ كەلەدى دەگەندى بىلدىرمەي مە؟ ا.ەسىموۆ قازا بولعان ستۋدەنت پەن قالعان جاپا شەككەن ستۋدەنتتەرگە ماتەريالدىق تۇرعىدان كومەك كورسەتەتىنىن جەتكىزدى.

ورىنباسار باقىتبەك