26  ماۋسىمدا ەليزاۆەتا ءىى پاتشايىمنىڭ ءىنىسى، الەمدەگى العاشقى ەكسپو كورمەسىنىڭ نەگىزىن قالاۋشى حانزادا البەرتتىڭ ۇرپاعى، جوعارى مارتەبەلى گلوستەر گەرسوگى، حانزادا ريچارد ەكسپو-2017 كورمەسىندەگى ۇلىبريتانيا ۇلتتىق كۇنىن سالتاناتتى تۇردە اشقان ەدى.

بۇگىن قازاقستان رەسپۋبليكاسى ينۆەستيسيالار جانە دامۋ ءمينيسترى جەڭىس قاسىمبەك ۇلىبريتانيا بىرىككەن كورولدىگى مەن سولتۇستىك يرلانديانىڭ ساۋدا جانە ينۆەستيسيالار ءمينيسترى گرەگ حەندسپەن كەزدەستى، دەپ جازادى Qamshy.kz اقپارات اگەنتتىگى ق ر يدم باسپا ءسوز قىزمەتىنە سىلتەمە جاساپ.

كەزدەسۋ بارىسىندا الدا وتەتىن ساۋدا-ەكونوميكالىق، عىلىمي-تەحنيكالىق، مادەني ىنتىماقتاستىق جونىندەگى قازاقستان-بريتان ۇكىمەتارالىق كوميسسياسىنىڭ 4 وتىرىسى تۋرالى، سونداي-اق قازاقستان مەن ۇلىبريتانيا اراسىنداعى ينۆەستيسيا، تاۋ-كەن، اۋىل شارۋالىشىعى سياقتى پەرسپەكتيۆالى باعىتتار بويىنشا سەرىكتەستىك ورناتۋ جايىن تالقىلادى.

«مەن ەكى ەل اراسىنداعى قارىم-قاتىناستىڭ جىل سايىن نىعايىپ كەلە جاتقاندىعىن ەرەكشە اتاپ وتكىم كەلەدى. ۇلىبريتانيا – ءبىزدىڭ ەۋروپاداعى ەڭ ءىرى ستراتەگيالىق سەرىكتەستەرىمىزدىڭ ءبىرى»، دەدى جەڭىس قاسىمبەك.

Cونداي-اق، كەزدەسۋ بارىسىندا قىتاي-قازاقستان-ۇلىبريتانيا اراسىن بايلانىستىراتىن «ۇلى جىبەك جولى» ەكونوميكالىق بەلدەۋىن جۇزەگە اسىرۋدا بىرلەسىپ جۇمىس اتقارۋ ءۇشىن ءۇشجاقتى كەلىسىم ورناتۋ ماسەلەسى دە ءسوز بولدى.

بۇگىندە قازاقستان تەرريتورياسى ارقىلى جۇڭگو مەن ەۋروپانىڭ اراسىندا 15 ترانزيتتىك كونتەينەرلىك پويىز جۇرەدى. وتكەن جىلى «قىتاي-ەۋروپا-قىتاي» باعىتىنداعى ترانزيتتىك كونتەينەرلەر تاسىمالى 104،5 مىڭعا جەتىپ، 2015 جىلمەن سالىستىرعاندا ەكى ەسەگە ارتىپ وتىر (49،9 مىڭ كونتەينەر).

2017 جىلى چجەسزيان (قحر) – لوندون (ۇلىبريتانيا) باعىتى بويىنشا العاشقى جۇك كونتەينەرلىك پويىزى ىسكە قوسىلدى. ەندىگى رەتتە بۇل باعىت بويىنشا جۇكتى تۋرا 18 كۇن ىشىندە جەتكىزەتىن مۇمكىندىك تۋدى. بۇل جۇك كەمەسىنە قاراعاندا قىزمەتىن 30 كۇن ەرتە ورىندايدى.

بۇگىندە ۇكىمەتارالىق كوميسسيا اياسىندا ءبىلىم جانە عىلىم، ەنەرگەتيكا، تاۋ-كەن ونەركاسىبى باعىتتارى بويىنشا 4 جۇمىس توبى جۇمىس ىستەيدى.

ۇلىبريتانيا - تاۋار اينالىمى بويىنشا قازاقستاننىڭ ەڭ ءىرى 10 سەرىكتەسىنىڭ قاتارىنا كىرەدى، سونداي-اق، قازاقستانعا ەڭ كوپ ينۆەستيسيا اكەلەتىن ۇزدىك التى ەلدىڭ قاتارىندا. ۇلىبريتانيا سوڭعى 12 جىل ىشىندە قازاقستانعا جالپى كولەمى 12،1 ملرد. اقش دوللارىن قۇرايتىن تىكەلەي ينۆەستيسيا اكەلدى (2005 جىلدان 2017 جىلدىڭ ءبىرىنشى توقسانىنا دەيىنگى كورسەتكىش بويىنشا تىكەلەي ينۆەستيسيا كولەمى 12 278،2 ملن. اقش دوللارىن قۇرايدى). بۇل - قازاقستانعا تارتىلعان جالپى شەتەلدىك ينۆەستيسيانىڭ 5%-ى.

انىقتاما ءۇشىن: 2017 جىلدىڭ ءقاڭتار-ساۋىر ايلارى بويىنشا قازاقستان مەن ۇلىبريتانيا اراسىنداعى تاۋار اينالىمى 422،6 ملن. اقش دوللارىن قۇرادى. بۇل 2016 جىلدىڭ ءدال وسى كەزەڭىمەن سالىستىرعاندا 26،6%-عا جوعارى (333،7 ملن. اقش دوللارى).