ەسەپتى مەرزىم ارالىعىندا وبلىس اۋداندارىندا جەرگە قۇقىقتاردى تابىستاۋ ماقساتىندا 4 اۋكسيون وتكىزىلدى دەپ حابارلايدى Qamshy.kz اقپارات اگەنتتىگى. بۇل تۋرالى وڭىرلىك كوممۋنيكاسيالار قىزمەتىندە وتكەن بريفينگتە  جامبىل وبلىسى اكىمدىگىنىڭ جەر قاتىناستارى باسقارماسىنىڭ باسشىسى بەيبىتبەك جايلىبايەۆ ايتتى.

ب.جايلىبايەۆتىڭ سوزىنە سەنسەك، اۋكسيوندار ارقىلى ساتىلىمعا اۋماعى 12،6 گەكتار جەر ۋچاسكەلەرى شىعارىلىپ، ولار 51 ملن. تەڭگەگە باعالانىپ ساتىلدى.

بۇل وتكەن جىلدىڭ ءتيىستى كەزەڭىمەن سالىستىرعاندا 38 ملن. تەڭگەگە ارتىپ وتىر.

سونداي – اق، «نۇرلى جەر» مەملەكەتتىك باعدارلامانىڭ ءبىر باعىتى جەكە تۇرعىن ءۇي سەكتورىن دامىتۋ بولىپ تابىلادى. بۇل ورايدا قۇرىلىس ءۇشىن بولىنگەن ايماقتارعا مەملەكەت ەسەبىنەن ينجەنەرلىك ينفراقۇرىلىم جەلىلەرىن تارتۋ كوزدەلگەن.

ونى جۇزەگە اسىرۋ ءۇشىن قۇرىلىسقا  بەلگىلەنگەن اۋماقتارداعى جەرلەر مەملەكەت مۇقتاجى ءۇشىن الىنۋى ءتيىس. بۇل شارانى دەر كەزىندە جۇزەگە اسىرۋ ءۇشىن ءبىرىنشى كەزەكتە وبلىستىڭ ەلدى مەكەندەرىنىڭ شەكارالارى باس جوسپارلارعا سايكەس قايتا زاڭداستىرىلىپ بەكىتىلۋى كەرەك.

2005 جىلدان باستاپ  جەر ۋچاسكەسىنىڭ كەزەگىندە تۇرعاندار سانى 101054 ادام و.ءى. (تاراز قالاسىندا 66372، بايزاقتا 4146، جامبىلدا 5655،  قوردايدا 12542، مەركىدە 3602، ت.رىسقۇلوۆتا 2659، شۋدا 4603).

وبلىس كولەمىندە بيىلعى جىلى 249 گا. جەر دايىندالىپ، 2247 ۋچاسكە سانى بەرىلۋگە دايىندالۋدا.

جەر قاتىناستارىن رەتتەۋدى جەتىلدىرۋ ماقساتىندا اتقارىلعان ماڭىزدى شارالار:

- جەر نارىعىن قالىپتاستىرۋدى جەتىلدىرۋ ماقساتىندا  وبلىس اۋماعىندا ەلدى مەكەندەر شەگىندەگى جەرلەردى جەكە مەنشىككە بەرۋ كەزىندە تولەنۋى ءتيىس تولەماقىنىڭ بازالىق ستاۆكالارىن ناقتىلاپ بەلگىلەۋ جۇمىستارى اتقارىلدى.

-ساۋدا-ساتتىقتاردى وتكىزۋ بارىسىندا بازالىق ستاۆكالارعا تۇزەتۋ كوەففيسەنتتەرىن قولدانۋ ءۇشىن ەلدى مەكەندەر اۋماعىن باعالاۋ ايماقتارىنا ءبولۋ جۇمىستارى جۇرگىزىلدى. 

- اۋىل شارۋاشىلىعى ماقساتىنداعى جەرلەردىڭ تولىققاندى يگەرىلۋىن قامتاماسىز ەتۋ ماقساتىندا جەر سالىعىنىڭ مولشەرىن ون ەسەدەن اسىرماي جوعارلاتۋ تۋرالى وكىلەتتى ورگاننىڭ شەشىمدەرى قابىلدانىپ، ادىلەت دەپارتامەنتىندە مەملەكەتتىك تىركەۋدەن ءوتتى.

- سول سياقتى، 2015 - 2016 جىلدارى وبلىستىق بيۋدجەتتەن بولىنەتىن قارجى ەسەبىنەن اۋىل شارۋاشىلىعى ماقساتىنداعى بوسالقى جەرلەرگە تۇگەندەۋ جۇمىستارى جۇرگىزىلدى.

ناتيجەسىندە تاۋارلى اۋىل شارۋاشىلىعى ءوندىرىسىن جۇرگىزۋ ءۇشىن اينالىمعا تارتۋعا جاتاتىن 30 مىڭ گەكتار ەگىستىك جەرلەر بار ەكەندىگى انىقتالدى.

ەندىگى كەزەكتە انىقتالعان بوسالقى جەرلەر قۇرامىنداعى اۋىل شارۋاشىلىعى ءوندىرىسىن جۇرگىزۋگە قولايلى جەرلەر اگرارلىق سالاعا ينۆەستيسيالار سالاتىن ينۆەستورلارعا بەرۋ كوزدەلۋدە، - دەپ وكق وتكەن بريفينگتە مالىمدەدى بەيبىتبەك شىندالى ۇلى.