الەم فۋتبولىنىڭ ءتىرى اڭىزدارى ەكسپو-2017 كورمەسى اياسىندا ۇيىمداستىرىلاتىن «EXPO 2017 Football Cup» حالىقارالىق تۋرنيرىندە كۇش سىناماق، دەپ جازادى Qamshy.kz اقپارات اگەنتتىگى.  بۇل جايلى حالىقارالىق كورمەنىڭ ۇيىمداستىرۋشىلارى حابارلادى .

فۋتبول جارىسى 5ء-شى تامىز كۇنى «استانا ارەنا» ستاديونىندا وتەدى. فورماتى بويىنشا اتالمىش تۋرنير «اڭىزدار كۋبوگىنا» دالمە-دال ۇقساس، الاڭدا 5 ويىنشى جانە قاقپاشى (6×6) وينايدى.

استانا تورىندە قازاقستان، رەسەي، يتاليا، گەرمانيا، پورتۋگاليا جانە الەم قۇرامالارى تارتىسقا تۇسەدى. كيەۆين كۋرانيا، دينو بادجو، ماركو دەلۆەككيو، نۋنۋ مانيشە، ياري ليتمانەن، ەرنان كرەسپو، جان-پەر پاپەن، رومان شيروكوۆ، ۆالەريي كارپين، الەكساندر فيليمونوۆ سىندى الەم فۋتبولىنىڭ ءتىرى اڭىزدارى ءوز ونەرلەرىن پاش ەتەدى.

ەلىمىزدىڭ نامىسىن كەلەسى ارداگەر سپورتشىلارىمىز قورعايدى: ولەگوم ۆوسكوبوينيكوۆ، يگور اۆدەيەۆ، اندرەي كارپوۆيچ، قايرات اۋباكيروۆ، مۇرات تلەشيەۆ، نۇربول جۇماسقالييەۆ جانە اندرەي فينونچەنكو.

ايتا كەتەيىك، 4 تامىزدا «استانا ەكسپو-2017» كورمەسىنىڭ ايماعىندا جانكۇيەرلەرمەن كەزدەسۋ ءراسىمى وتەدى. سونىمەن قاتار، جانكۇيەرلەر جيىن بارىسىندا فوتوعا ءتۇسىپ، قولتاڭبا الۋ مۇمكىنشىلىگى قاراستىرىلعان. ال 6-شى تامىزدا «استانا ارەنا» ستاديونىندا بالالار مەن جاسوسپىرىمدەر سپورت مەكتەبىنىڭ تۇلەكتەرىنە ارنايى شەبەرلىك ساباقتارى وتەدى.

ءتۋرنيردىڭ كۇنتىزبەسى مەن مەديا جوسپارى جانە ويىن الدىنداعى ءىس-شارالار جارىس باستالۋىنا ءبىر اپتا قالعاندا وتەتىن جەرەبە تارتۋ راسىمىنەن كەيىن بەلگىلى بولادى.