ق ر پرەمەر-مينيسترى باقىتجان ساعىنتايەۆ سولتۇستىك قازاقستاندىق «زەنچەنكو جانە ك» كوپبەيىندى اگرارلىق كاسىپورنىنىڭ جۇمىسىمەن تانىستى، وندا مەملەكەتتىك قولداۋ شارالارى، سونىمەن قاتار اوك دامىتۋ مەملەكەتتىك باعدارلاماسى اياسىندا اۋىل شارۋاشىلىعى ونىمدەرىن ءوندىرۋ بويىنشا جوبالار ىسكە اسىرىلعان دەپ حابارلايدى Qamshy.kz اقپارات اگەنتتىگى.

سەرىكتەستىك ديرەكتورى گ. زەنچەنكو باقىتجان ساعىنتايەۆقا اۋىل شارۋاشىلىعىندا قولدانىلاتىن تەحنولوگيالار مەن شىعارىلاتىن ونىمدەردىڭ تۇرلەرى تۋرالى باياندادى.

اۋىل شارۋاشىلىعى قۇرىلىمىنىڭ جالپى ەگىندىك القابى - 26،6 مىڭ گا-عا جۋىق. ءداندى داقىلدارمەن قاتار مايلى داقىلدار، كارتوپ جانە مال ازىعى داقىلدارى ەگىلەدى. بۇدان وزگە، مۇندا مال شارۋاشىلىعى مەن ءسۇت ونىمدەرىن وندىرۋمەن دە اينالىسادى.

سەرىكتەستىكتە ونىمدەردىڭ باسەكەگە قابىلەتتىلىگىن ارتتىرۋ مەن كاسىپورىننىڭ ونىمدىلىگىن ۇلعايتۋ شارالارى جۇزەگە اسىرىلعان. وندىرىستىك ۇدەرىستەر اۆتوماتتاندىرىلعان، الدىڭعى قاتارلى تەحنولوگيالار ەنگىزىلۋدە، قاجەتتى مينەرالدى تىڭايتقىشتار مەن ساپالى تۇقىمدار قولدانىلادى.

اۋىل حالقى ءۇشىن، سونىڭ ىشىندە شارۋاشىلىقتا ەڭبەك ەتەتىندەر ءۇشىن «زەنچەنكو جانە ك» تس سپورتتىڭ ءار تۇرىمەن اينالىسۋعا قاجەتتى جابدىقتارى بار دەنە شىنىقتىرۋ-ساۋىقتىرۋ كەشەنىن اشقان.