شىلدە ايىنىڭ باسىندا 9 ايلىق فاتيمانى قۇتقارىپ قالعان اقتاۋلىق جولسەرىك التىناي رامبايەۆا كورشى ەلدە دە تانىمالدىلىققا يە بولدى.

رەسەيدەگى «دوماشنيي» تەلەارناسى ول تۋرالى دەرەكتى فيلم تۇسىرۋدە، دەپ حابارلايدى Qamshy.kz اقپارات اگەنتتىگى «قازاقپارات» مالىمەتىنە سۇيەنىپ.

ءفيلمدى ۆلاديمير كالاشنيكوۆ ءتۇسىرىپ جاتىر. ول «تمد جولسەرىگى» دەپ اتالادى. فيلم فاتيمانى قۇتقارىپ قالعان التىناي جايلى عانا بولمايدى.

بۇرىن حابارلانعانداي، 2017 جىلدىڭ 3 شىلدەسىندە «ماڭعىستاۋ-استراحان» باعىتىنداعى جولاۋشىلار پويىزىنىڭ جولسەرىگى التىناي رامبايەۆا 9 ايلىق فاتيمانىڭ ءومىرىن ساقتاپ قالعان ەدى. وقيعا جولدا بولعان. ماقات ستانسياسىندا كۋپەلەردىڭ بىرىندە بالانىڭ ءولىپ قالعانى تۋرالى حابارلايدى. الايدا، جولسەرىك ابىرجىماي، قىزدى قىزمەتتىك بولمەگە الىپ كىرىپ، العاشقى مەديسينالىق جاردەم كورسەتەدى. 40 مينۋتتان كەيىن ءسابي ەسىن جيىپ، دەم الىپ، جىلاي باستاعان. فاتيمانىڭ اناسى ارايلىم جالييەۆا بولعان وقيعانى كەرەمەت ءتىرىلتۋ بولدى دەپ ەسەپتەيدى. ايتا كەتكەن ءجون، ارايلىم دا ءفيلمنىڭ كەيىپكەرى بولىپ، پويىزدا بولعان وقيعانى تاعى دا باياندادى.

ايتا كەتسەك، التىناي رامبايەۆا ءوزى قۇتقارىپ قالعان فاتيمانىڭ ەكىنشى اناسى اتاندى، ول ءبۇلدىرشىندى قىزىم دەپ اتايدى. ەكى وتباسى دا دوستاسىپ كەتكەن.