ق ر جوعارعى سوتىنىڭ سۋدياسى ەربول راحىمبەكوۆ كەشە اقمولا وبلىسىندا ورىن العان  وقيعاعا قاتىستى پىكىرىن ءبىلدىردى. ەسكە سالايىق، جەمقورلىق دەرەگى بويىنشا سوتتالىپ جاتقان 61 جاستاعى ەر ازامات اقمول اۋىلىنداعى پروكۋراتۋراعا مىلتىقپەن كىرىپ، ەسىك الدىندا وتىرعان پروكۋرور مەن ءاىىب قىزمەتكەرىن اتىپ تاستادى. ارتىنشا دالاعا شىققان ول ساياسي قۋعىن-سۇرگىن قۇرباندارىنا ارنالعان كەشەننىڭ جانىنا بارىپ وزىنە دە قول جۇمساعان بولاتىن.

بۇل تۋرالى Qamshy.kz  اقپارات اگەنتتىگى karavan.kz-كە سىلتەمە بەرىپ جازادى.

زارداپ شەككەن قۇقىق قورعاۋ ورگاندارىنىڭ قوس قىزمەتكەرى اۋىر جاعدايدا اۋرۋحانادا جاتىر. ال، قايتىس بولعان ءومىرجان جامپوزوۆتىڭ تۋىستارى بولسا پروكۋراتۋرا تاراپىنان وعان قىسىم جاسالعانىن كتك تەلەارناسىنا ايتىپ بەرگەن. ول كوزى تىرىسىندە سۋ شارۋاشىلىعىنا قاتىستى ءىرى مەكەمەنىڭ باسشىسى بولىپتى. الايدا، قۇزىرلى ورگاندار وعان 600 ملن. تەڭگەنى جىمقىردى دەگەن ايىپ تاعىپ، سۋديادان 10 جىلعا قاماۋىن سۇراعان ەكەن. سوتتىڭ شەشىمى كەشە شىعۋى ءتيىس بولعان.

بۇگىن وسى جايتقا بايلانىستى ق ر جوعارعى سوتىنىڭ سۋدياسى ءوز ويىن ايتتى.

"بىرىنشىدەن، اتالعان ءىس بويىنشا مالىمەتتەردىڭ ءبارى بىزگە قولجەتىمسىز. بۇل تەرگەۋ بارىسىندا بەلگىلى بولادى. ياعني، ونىڭ نە ءۇشىن مۇنداي قادامعا بارعانى انىقتالادى. بالكىم جەكە باسىنىڭ ارازدىعى بولعان شىعار، بالكىم پروكۋراتۋرانىڭ ۇستانىمىمەن كەلىسپەگەن شىعار. وقيعانىڭ ءدال پروكۋراتۋرا عيماراتىندا بولۋى سونداي كۇدىك تۋدىرىپ وتىر. ال، سوت وتىرىسىنا كەلەر بولساق، ءىس جامپوزوۆتىڭ ولىمىنە قاتىستى توقتاۋى دا مۇمكىن. ءبىز الدىن الا بىلمەيمىز عوي، بالكىم سۋديا ونى اقتايتىن ۇكىم شىعارعىسى كەلگەن شىعار"، - دەدى ەربول راحىمبەكوۆ.