ۇلىبريتانيانىڭ ەۋروپالىق وداقتان شىعۋى جونىندە كەلىسسوزدەردىڭ العاشقى كەزەڭى ەشقانداي ناتيجە بەرە قويمادى، دەپ جازادى Qamshy.kz اقپارات اگەنتتىگى.
ەو ازاماتتارىنىڭ قۇقىقتارى ماسەلەسى بويىنشا برەكزيتتەن كەيىن ەكى جاق كەلىسىمگە كەلە المادى، سونداي-اق ەو قۇرامىنان شىعىپ بارا جاتقانى ءۇشىن لوندوننىڭ كومپەنساسيا تولەۋ-تولەمەۋ ماسەلەسى دە جاۋاپسىز قالدى. بۇل تۋرالى كەلىسسوزدەردەن كەيىن وتكەن باسپا ءسوز ءماسليحاتىندا ەو دەلەگاسياسىنىڭ باسشىسى ميشەل بارنە مالىمدەدى.
كەلىسسوزدىڭ كەلەسى كەزەڭى تامىزدىڭ اياعىندا وتەدى دەپ جوسپارلاندى. بۇل كەزدەسۋدە برەكزيتتەن كەيىنگى ەو پەن ۇلىبريتانيا ازاماتتارىنىڭ قۇقىقتارىنا كوبىرەك كوڭىل بولىنەتىن بولادى. بريتانيا ەو پەن ەركىن ساۋدا جونىندە كەلىسىمگە كەلۋدى كوزدەيدى. الايدا بريۋسسەلدە العاشقى ەكى سۇراقتىڭ جاۋابىن المايىنشا، ساۋدا كەلىسىمى جونىندە ايتۋىدڭ دا قاجەتى جوق ەكەنىن ءمالىم ەتتى.
ايتا كەتەيىك، ۇلىبريتانيانىڭ ەو قۇرامىنان شىعۋ ماسەلەسى 19 ماۋسىمنان بەرى تالقىلانىپ جاتىر. بۇل پروسەسس 2018 جىلدىڭ سوڭىنا دەيىن سوزىلادى دەپ جوسپارلانعان.
