قازاقستان پرەزيدەنتى نۇرسۇلتان نازاربايەۆ رام ناتح كوۆيندكە ءۇندىستان رەسپۋبليكاسىنىڭ پرەزيدەنتى بولىپ سايلانۋىنا بايلانىستى قۇتتىقتاۋ جەدەلحاتىن جولدادى، - دەپ حابارلايدى Qamshy.kz اقپارات اگەنتتىگى اقوردانىڭ باسپا ءسوز قىزمەتىنە سىلتەمە جاساپ.
مەملەكەت باسشىسى بارشا قازاقستان حالقىنىڭ جانە جەكە ءوزىنىڭ اتىنان جاڭادان سايلانعان ءۇندىستان رەسپۋبليكاسىنىڭ پرەزيدەنتىن قۇتتىقتادى.
"ءبىز حالىقتارىمىزدىڭ وسىپ-وركەندەۋى جولىندا دوستىق قارىم-قاتىناسىمىز بەن تىعىز ىنتىماقتاستىعىمىزدى نىعايتۋ ءۇشىن بار كۇش-جىگەرىمىزدى جۇمىلدىراتىنىمىزعا سەنىمدىمىن. سىزگە زور دەنساۋلىق، جاۋاپتى قىزمەتىڭىزگە تابىس، ال دوستاس ءۇندىستان حالقىنا بەيبىتشىلىك پەن باق-بەرەكە تىلەيمىن"، - دەلىنگەن جەدەلحاتتا.
