20 شىلدەدە زاگرەب قالاسىندا قازاقستان رەسپۋبليكاسىنىڭ ەلشىسى تولەجان بارلىبايەۆ حورۆاتيا رەسپۋبليكاسىنىڭ پرەزيدەنتى كوليندا گرابار-كيتاروۆيچكە سەنىم گراموتالارىن تاپسىردى، دەپ حابارلايدى Qamshy.kz اقپارات اگەنتتىگى.
سالتاناتتى شارادا وتاندىق ديپلومات مەملەكەت باسشىسىن قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆتىڭ اتىنان حورۆاتيانىڭ مەملەكەتتىك كۇنىمەن قۇتتىقتادى جانە حورۆاتيا حالقىنا ەڭ ىزگى تىلەكتەرىن جەتكىزدى.
قازاقستان مەن حورۆاتيا اراسىنداعى ديپلوماتيالىق قارىم-قاتىناستاردىڭ 25 - جىلدىعىنىڭ اياسىندا، ەلشى قازاقستاندىق-حورۆات ىنتىماقتاستىعىنىڭ كەشەندى تۇردە نىعايۋىن جانە حالىقارالىق ارەنادا ەكى ەل اراسىنداعى ىنتىماقتاستىقتى تەرەڭدەتۋگە باعىتتالعان استانانىڭ دايەكتى ساياساتىنا نازار اۋداردى.
پرەزيدەنت ك. گرابار-كيتاروۆيچ ساياسي ديالوگتى دامىتۋدا ەلەۋلى الەۋەتتى اتاپ ءوتتى، سونداي-اق حورۆاتيا مەن قازاقستان اراسىنداعى ساياسي، مادەني، ساۋدا-ەكونوميكالىق سالالارىندا ءوزارا ىقپالداسۋعا جانە ەكى ەلدىڭ حالىقارالىق ساحنادا بىرلەسكەن ءوزارا ءىس-قيمىلدارعا ءوزىنىڭ دايىندىعىن ءبىلدىردى. حورۆاتيانىڭ مەملەكەت باسشىسى قازاقستاندىق ديپلوماتقا تابىستى جۇمىس تىلەدى.