اقش پرەزيدەنتى دونالد ترامپ بۇرىنعى ورىنباسارى سارۋ ساندەرستى اق ءۇيدىڭ باسپا ءسوز حاتشىسى، سونداي-اق ءوزىنىڭ جەكە باسپا ءسوز حاتشىسى قىزمەتىنە تاعايىندادى، دەپ حابارلاندى اق ءۇيدىڭ مالىمدەمەسىندە.
«پرەزيدەنت دونالد ترامپ سارۋ ساندەرستى اق ءۇيدىڭ باسپا ءسوز حاتشىسى قىزمەتىنە كوتەردى. ول پرەزيدەنتتىڭ جەكە باسپا ءسوز حاتشىسى جانە اق ءۇيدىڭ باسپا ءسوز قىزمەتىنىڭ باسشىسى اتاندى»، - دەلىنگەن مالىمدەمەدە.
«ءوزىنىڭ جاڭا قىزمەتىندە ول حالىقتى الاڭداتاتىن ماسەلەلەردى كوتەرىپ، ەلدەگى ەكونوميكانىڭ وسۋىنە سەپتىگىن تيگىزەدى. سونداي-اق امەريكانىڭ قاۋىپسىزدىگىن دە قاماتاماسىز ەتەدى»، - دەپ كەلتىردى اق ءۇي پرەزيدەنتتىڭ ءسوزىن.
ايتا كەتەيىك، جۇما كۇنى ترامپ ءوزىنىڭ باسپا ءسوز حاتشىسى بولعان شون سپايسەردىڭ قىزمەتتەن كەتۋ جونىندە ءوتىنىشىن قابىلدادى. ال جاڭا باسپا ءسوز حاتشىسى ساندەرس سپايسەردى «ارىپتەسەتەن دە جوعارى سانايتىنىن، وزىنە ناعىز دوس پەن ۇستاز بولاتىنىن» ايتتى.
بۇدان بولەك اقش پرەزيدەنتى جۇما كۇنى فينانسيست ەنتوني سكارامۋچچيدى بايلانىس جونىندەگى ديرەكتور ەتىپ تاعايىندادى.
