تۇركيادا دەمالىپ جاتقان قازاقستاندىق تۋريستەر كومەك سۇراپ جاتىر دەپ حابارلايدى Qamshy.kz اقپارات اگەنتتىگى.
بۇل تۋرالى تۇركيادا دەمالىپ جۇرگەن قازاقستاندىق ازاماتشا زارينا ابدەنوۆا ءوزىنىڭ فەيسبۋكتەگى پاراقشاسىنا جازىپ جاريالاعان.
«جەر سىلكىنىسى جالعاسىپ جاتىر. ءار 30 مينۋت سايىن 4-5 باللدان بولىپ تۇرادى. ۇشاق ۇشپايدى. باسسەين اۋماعىندا جاعاجايدان 30 مەتر جەردە ۇيىقتاپ ءجۇرمىز. مۇمكىن قازاقستان ءوزىنىڭ ازاماتتارىن الىپ كەتۋگە ۇشاق جىبەرەدى؟» دەپ جازىپتى ول ءوزىنىڭ جەكە پاراقشاسىندا.
ەسكە سالساق، تۇركيادا 19 شىلدە كۇنى 6،3 ماگنيتۋدالى جەر سىلكىنىسى بولىپ ءوتتى. 358 ادام اۋرۋحاناعا كومەككە جۇگىنگەن.
