بۇگىن الماتى اكىمى باۋىرجان بايبەك «الماتى» الەۋمەتتىك-كاسىپكەرلىك كورپوراسياسى ۇك» اق-نىڭ ۇجىمىنا باسقارمانىڭ جاڭا ءتوراعاسى مۇحيت ازىربايەۆتى تانىستىردى، دەپ حابارلايدى Qamshy.kz اقپارات اگەنتتىگى. كورپوراسيانىڭ بۇرىنعى باسشىسى مۇرات دارىبايەۆ الماتى قالاسى اكىمىنىڭ ورىنباسارى بولىپ تاعايىندالعان بولاتىن.

مۇرات دارىبايەۆتىڭ باسشىلىعىمەن «الماتى» الەۋمەتتىك-كاسىپكەرلىك» ۇك» اق-ى 2016 جىلدىڭ قورىتىندىسى بويىنشا العاش رەت 3،4 ملرد تەڭگە كولەمىندە پايداعا قولجەتكىزدى. سوڭعى جىلى 423،8 ملن تەڭگە سالىق تولەندى، ال 2015 جىلى تولەنگەنى نەبارى 41،7 ملن. تەڭگە بولاتىن. اكك-نىڭ 2017 جىلعى العاشقى جارتىجىلدىعىنىڭ قارجى-ەكونوميكالىق قىزمەتىنىڭ الدىن الا جاسالعان قورىتىندىسى بويىنشا 611،4 ملن. تەڭگە كولەمىندە تابىس تۇسكەن، ال بۇعان ۇتىمدى باسشىلىقتىڭ ءارى شىعىنداردى وڭتايلاندىرۋدىڭ ارقاسىندا قول جەتتى.

سوڭعى 2 جىل ىشىندە اكك ەكولوگيا، جول قاۋىپسىزدىگىن قامتاماسىز ەتۋ، اباتتاندىرۋ جانە باسقا ماسەلەلەر بويىنشا ينۆەستيسيالىق جوبالاردى جۇزەگە اسىرۋ جۇمىستارىن بەلسەندى جۇرگىزدى.

ق ر پرەمەر-مينيسترىنىڭ كەلىسىمىمەن جانە كورپوراسيا ديرەكتورلار كەڭەسىنىڭ شەشىمىمەن «الماتى» اكك ۇك» اق-نىڭ جاڭا باسقارما ءتوراعاسى بولىپ مۇحيت ازىربايەۆ تاعايىندالدى.

ول الماتى قالاسىندا تۋىلعان، ت.رىسقۇلوۆ اتىنداعى قازاق ەكونوميكالىق ۋنيۆەرسيتەتىن بىتىرگەن، ماماندىعى بويىنشا ەكونوميكا مەنەدجەرى.

جەكە سەكتوردا جيناقتاعان مول تاجىريبەسى بار، «قۋاتاگرو» اگروحولدينكتىك كومپانيانىڭ باس ديرەكتورى قىزمەتىن اتقارعان، ءتۇرلى كەزەڭدەردە «ابن امرو بانك» جانە «كازكوممەرسبانك» اق-دا جۇمىس ىستەگەن. 2009 جىلدان كۇنى بۇگىنگە دەيىن Global Building Contract» ءجشس-نىڭ قاداعالاۋشى كەڭەسىنىڭ ءتوراعاسى بولعان.

قوعامدىق ىسپەن بەلسەندى تۇردە اينالىسادى، «قازاقستاننىڭ قالا قۇرىلىسى» قوعامدىق ۇيىمىنىڭ ۆيسە-پرەزيدەنتى، «سامرۇق-قازىنا» جىلجىمايتىن مۇلىك قورى» اق-نىڭ تاۋەلسىز ديرەكتورى، «اتامەكەن» ۇكپ قۇرىلىس جانە تكش جونىندەگى كوميتەتىنىڭ مۇشەسى، «ق ر قۇرىلىس سالاسىنىڭ ۇلتتىق اسسوسياسياسى» قوعامدىق ۇيىمىنىڭ پرەزيدەنتى. 2016 جىلى الماتى قالاسىنىڭ VI شاقىرىلىمىنداعى ءماسليحات دەپۋتاتى. 2017 جىلدىڭ مامىرىنان الماتى قالاسى جەڭىل اتلەتيكا فەدەراسياسىنىڭ پرەزيدەنتى.