الماتىدا Toyota Land Cruiser Prado-مەن Hyundai Accentء-تىڭ سوقتىعىسۋىنان 9 ادام زارداپ شەكتى، دەپ حابارلايدى Qamshy.kz اقپارات اگەنتتىگى قازاقپاراتقا سىلتەمە جاساي وتىرىپ. وقىس وقيعا تاڭعى ساعات 5-6 شاماسىندا بولعان.
العاشقى مالىمەت بويىنشا، Toyota Land Cruiser Prado قابانباي كوشەسىندە باعدارشامنىڭ قىزىل تۇسىنە ءوتىپ كەتكەن. ول فۋرمانوۆ كوشەسىمەن كەلە جاتقان Hyundai-عا قاعىپ وتەدى. سوققىدان Hyundai تۇراقتاعى گازەل كولىگىنە بارىپ سوعىلادى. Hyundai كولىگىندەگى جولاۋشىلاردىڭ ءبىرىن الىپ شىعۋ ءۇشىن گيدراۆليكالىق قۇرالدار پايدالانۋعا تۋرا كەلدى.
جول اپاتىنان بارلىعى 9 ادام جاپا شەككەن. Prado كولىگىنىڭ جۇرگىزۋشىسى وتە اۋىر جاعدايدا اۋرۋحاناعا جەتكىزىلدى. جول اپاتىنىڭ سەبەپتەرىن جول پوليسياسى انىقتاپ جاتىر.
