جارىلعىش زات تولتىرىلعان كولىك سيريانىڭ سولتۇستىك-باتىسىندا ورنالاسقان يدليب ايماعىندا ورتالىعىندا جارىلدى. سالدارىنان اسكەريلەرمەن قوسا 50 ادام قازا تاپتى، دەپ حابارلايدى Qamshy.kz اقپارات اگەنتتىگى ال-مايادين ارناسىنا سىلتەمە جاساپ.

دەرەكتەرگە سايكەس، جارىلعان كولىك «دجەبحات ان-نۋسرا» اتالاتىن تەرروريستىك توپقا تيەسىلى بولعان.

ارابيالىق ب ا ق مالىمەتتەرىندە كورسەتىلگەندەي، يدليب قالاسى «احرار اش-شام» تەرروريستەرىمەن بولعان سوڭعى قارقىندا كۇرەستەن سوڭ «دجەبحات ان-نۋسرا» توبىنىڭ باقىلاۋىنا كوشكەن بولاتىن.

وتكەن اپتانىڭ جۇماسىندا رەيتەر اگەنتتىگى «احرار اش-شام» جانە «دجەبحات ان-نۋسرا» تەررورلىق توپتاردىڭ يدليب اۋدانىندا ءوزارا قارۋلى قاقتىعىستاردى دوعارۋعا دايىندىق جۇرگىزىپ جاتقاندىعىن حابارلاعان بولاتىن.

«احرار اش-شام» - نەگىزگى بازاسى يدليب ايماعىندا ورنالاسقان سيرياداعى ەڭ ءىرى تەررورلىق توپتاردىڭ ءبىرى.