«وسكار» سىيلىعىنىڭ يەگەرى، گولليۆۋدتىڭ تانىمال اكتەرى نيكولاس كەيدجدىڭ بۇگىنگى جۇمىس كەستەسى دە تىم تىعىز بولدى. اكتەر الدىمەن استانا اكىمى اسەت يسەكەشيەۆپەن بىرگە تال ەكتى. وسىدان كەيىن «بەس قۇرلىق» اتتى بالالار فيلمدەرىنىڭ فەستيۆالىنە قاتىستى، دەپ xابارلايدى Qamshy.kz اقپارات اگەنتتىگى قازاقپاراتقا سىلتەمە جاساپ.

فەستيۆالدىڭ اشىلۋىنا وراي قىزىل كىلەم توسەلدى. وندا دا نيكولاس كەيدج كىلەممەن جۇرمەي، ءوزىنىڭ جانكۇيەرلەرىنە اسىقتى. قولىن بەرىپ، بارىمەن فوتوعا ءتۇسىپ شىعۋعا تىرىستى. ءتىپتى، قىزىل كىلەمدى ەكى رەت اينالىپ شىقتى. ال فەستيۆالدىڭ اشىلۋ سالتانىندا «سالەمەتسىز بە!» دەپ، جينالعان جۇرتپەن قازاق تىلىندە امانداستى. كەيدج جاس اكتەرلارعا دا ءوز كەڭەسىن بەردى. «كينو ءسىزدىڭ قيالىڭىز بەن قوعام اراسىنداعى اينا ىسپەتتى. ءسىز بەيتاراپ پوزيسيانى ۇستاۋىڭىز قاجەت. اۋديتوريانىڭ ءوزى قيالىن شارىقتاتىپ، بيىك ارماندارعا ۇمتىلۋى ءتيىس. ال قيالدى دامىتۋ ءۇشىن ميفولوگيا، شەجىرەلەر، ەرتەگىلەر جانە تاعى باسقا ادەبي شىعارمالاردى ءجيى وقۋ كەرەك»، - دەيدى نيكولاي كەيدج.

فەستيۆالدەن كەيىن اكتەر قازاق ۇلتتىق ونەر ۋنيۆەرسيتەتىنە باردى. سول جەردە ول قازاقتىڭ «اداي" كۇيى» مەن «كوزىمنىڭ قاراسىن» تىڭداپ، قيالدى دامىتۋعا قاتىستى اڭگىمەسىن جالعاستىردى. اكتەرلىك جولعا ءتۇسۋ وڭايعا سوقپاعانىن دا اشىق ايتتى. «شىنىمدى ايتسام، باسىندا كاستينگتەر كەزىندە ماعان ىلعي «جوق!» دەپ جاۋاپ بەرەتىن. جوق، جوق، جوق... وز-وزىمە دەگەن سەنىم جوعالا باستادى. ءبىر رەتتە قاتتى الاڭداپ كەتكەنىم سونشا، جاڭاعى «جوقتاردىڭ» كەسىرىنەن اۋرۋxاناعا دا ءتۇستىم. سودان كەيىن تاعى ءبىر كاستينگكە بارۋعا بەل بۋدىم. ءوتىپ كەتتىم! نەگىزى، مەنەن جاقسى جازۋشى دا شىعاتىن ەدى»، - دەيدى كەيدج.

ۋنيۆەرسيتەتتە بولعان جيىننان كەيىن مارتەبەلى مەيمانعا داستارxان جايىلدى. سول جەردە ۋنيۆەرسيتەت رەكتورى ايمان مۇساقوجايەۆا گولليۆۋد جۇلدىزىنا قازاقتىڭ ءداستۇرى بويىنشا شاپان جاپتى. «نيكولاسقا قازاقتىڭ شاپانى وتە ۇنادى. ءتۇسى دە، ماتەريالى دا جاقسى دەدى. ءتىپتى، ونىمەن فيلمگە دە تۇسۋگە بولاتىنىن جەتكىزدى»، - دەدى ايمان قوجابەك قىزى سۇxباتىندا.