اۋعانستاننىڭ كانداگار پروۆينسياسىندا بەلگىسىز قارۋلى توپ 7 تۇرعىندى ءولتىرىپ، 70-تەن استامىن ۇرلاپ اكەتكەن دەپ حابارلايدى Qamshy.kz اقپارات اگەنتتىگى تاسس-قا سىلتەمە جاساپ. پوليسيا شابۋىلدى «تاليبان» راديكالدى قوزعالىسىنىڭ سودىرلارى جاسادى دەپ كۇدىكتەنىپ وتىر. ءقازىر ءتارتىپ ساقشىلارى تۇتقىنداعى 30 ادامدى ازات ەتكەن. قالعاندارىنىڭ ءحالى بەلگىسىز. ال ۇكىمەت كۇشتەرى بىرنەشە كۇننەن بەرى ەل اۋماعىنىڭ ونداعان ايماعىندا ارنايى وپەراسيا جۇرگىزىپ جاتىر. ساربازدار سوڭعى ءبىر كۇننىڭ ىشىندە 60-قا جۋىق سودىردىڭ كوزىن جويعان.
ايتا كەتەيىك، ءقازىر اۋعانستاندا تالىپتەر ءىرى قالالارعا شابۋىلدارىن جيىلەتكەن. سونىمەن قاتار «يراك جانە ليەۆانت لاڭكەستىك ۇيىمى» دا ءوز ىقپالىن نىعايتۋعا كۇش سالىپ جاتىر.
