حالىقارالىق «ەكسپو-2017» كورمەسىن وتكىزۋ اياسىندا قالالىق اۆتوۆوكزالدا انىقتامالىق - اقپاراتتىق رەسەپشن اشىلدى، دەپ حابارلايدى Qamshy.kz اقپارات اگەنتتىگى استانا اكىمدىگىنىڭ مەديا ورتالىعىنا سىلتەمە جاساپ.

«ساپارجاي-استانا» ج ش س ديرەكتورىنىڭ ورىنباسارى جارقىن بەكجانوۆتىڭ ايتۋىنشا، جاز باستالعالى جولاۋشىلار اقپاراتتى ءۇش تىلدە - قازاق، ورىس جانە اعىلشىن تىلدەرىندە الۋدا. وزگەرىس تەك جولاۋشىلار قىزمەتىندە عانا ورىن العان جوق. بيىل اۆتوۆوكزال قايتا جوندەۋدەن وتكىزىلۋدە. كۇتۋ زالىندا ەدەن جابىندىسى اۋىستىرىلىپ، سىرتقى كەلبەتى جارتىلاي وزگەرتىلدى. جۇمىس تولىعىمەن ەكىنشى جارتى جىلدىقتا اياقتالادى. قازىرگى تاڭدا كارىز جۇيەسىن جوندەۋ جۇمىستارى اياقتالۋدا. بارلىق قۇرىلىس جۇمىستارى جولاۋشىلار كەشەنىنىڭ جۇمىسىنا ەش كەدەرگى كەلتىرگەن جوق.

 - ءقازىر جولاۋشىلاردىڭ جايلىلىعى ءۇشىن اۆتوۆوكزال اۋماعىندا انا مەن بالا بولمەسى، اسحانا، دۇڭگىرشەكتەر مۇمكىندىگى شەكتەۋلى جاندارعا ارنالعان دارەتحانا بار، - دەپ حابارلادى ج. بەكجانوۆ.

ەسكە سالاتىن بولساق، «EXPO — 2017 Astana» ۇلتتىق كورمەسى اياسىندا استانادا اعىلشىن ءتىلىن بىلەتىن تاكسي قىزمەتى دە قولعا الىنعان بولاتىن. سونداي-اق، پوليسيا قىزمەتكەرلەرى، تاسىمال مەن حابار الماسۋ سالاسىندا دا اعىلشىن ءتىلىن بىلەتىن ماماندار قىزمەتى قوسىلعان بولاتىن. سونداي-اق قازاقستاننىڭ تۇكپىر-تۇكپىرىنەن ۆولونتەر جاستار تارتىلعان ەدى.

ايتا كەتسەك، «EXPO — 2017 Astana» ۇلتتىق كورمەسى اياسىندا استانادا جاڭا اۆتوبەكەت قانا ەمەس، «نۇرلى جول» دەپ تالاتىن جاڭا تەمىر جول ۆوكزالى جانە «نۇرسۇلتان نازاربايەۆ» اتىنداعى جاڭا حالىقارالىق اۋەجاي تەرمينالى ءوز جۇمىسىن باستاعان ەدى. ولاردىڭ بارىندە EXPO قوناقتارىنا ارنالىپ، قاجەتتى جاعدايلار تولىقتاي جاسالعان. قوناقتار قالاۋىنشا تاسىمالدىڭ تۇرلەرىن تاڭداي الادى.