ەسىل وزەنى مەن اقبۇلاق جانە سارىبۇلاق بۇلاقتارى ءبىر ايدا 63 توننا قوقىستان تازارتىلدى. ونىڭ جارتىسىنا جۋىعى تۇرمىستىق قالدىقتار، دەپ حابارلايدى Qamshy.kz  اقپارات اگەنتتىگى  استانا اكىمدىگىءنىڭ باسپا ءسوز قىزمەتىنە سىلتەمە جاساي وتىرىپ.

«بيىل ءبىزدىڭ مەكەمە العاش رەت قالا اۋماعىنداعى وزەندەردى تازارتۋ جۇمىسىن جۇرگىزە باستادى. تەك ءبىر ايدىڭ ىشىندە ەسىل وزەنى مەن اقبۇلاق پەن سارىبۇلاقتان 63 توننا قوقىس جينالدى. ونىڭ جارتىسى بالدىر، ال قالعان جارتىسى تەمەكى تۇقىلى، پاكەت، پلاستيكالىق بوتەلكەلەر مەن باسقا دا تۇرمىستىق قالدىقتار»، -دەدى «ەسىل استانا» مكقك ديرەكتورى قانات الين مەديا ورتالىقتىڭ تىلشىسىنە بەرگەن سۇحباتىندا.

اليننىڭ ايتۋىنشا ەلوردا اۋماعىنداعى سۋ جولدارىنداعى ەڭ كوپ قوقىس سارىبۇلاقتا جينالادى. اتاپ ايتقاندا ن.تىلەندييەۆ كوشەسىنەن باستاپ تەمىرجولعا دەيىنگى ارالىق ەڭ كوپ لاستاناتىن جەر بولىپ سانالادى. سەبەبى بۇلاقتىڭ تەرەڭدىگى كەيبىر جەردە 20 سم بولسا، كەيبىر جەرىندە 1،5 مەترگە دەيىن جەتەدى. ىستىق كۇندەرى سۋ استىنداعى وسىمدىكتەر كوبەيىپ، سالدارىنان سۋدىڭ بەتى بالدىر مەن شوپتەر كورىنبەي قالادى. 

«سارىبۇلاق بۇلاعىنىڭ ۇزىندىعى 16 شاقىرىمدى قۇرايدى. بۇلاقتىڭ ەسىل وزەنىنەن تىلەندييەۆ كوشەسىنە دەيىنگى اۋماعى توسەمتاسپەن قاپتالعان، جيەكتەرى قورشالعان. الداعى ۋاقىتتا ەلورداداعى بارلىق سۋ جولدارىنىڭ جاعالارىن جوندەپ، تۇزەۋ جوسپاردا بار»، - دەدى مەكەمە ديرەكتورى.

بۇگىندە استانا وزەندەرىن تازارتۋ جۇمىسىنا كۇن سايىن 50-گە جۋىق جۇمىسشى شىعادى. تەحنيكانى جەتكىزۋ مۇمكىندىگى بولماۋىنا بايلانىستى سارىبۇلاقتاعى تازالىق شارالارى تەك قولمەن جۇرگىزىلەدى.

«استانا كۇنىنەن كەيىن ەسىل وزەنىنىڭ جاعاسىنان 2 توننادان استام تۇرمىستىق قالدىق جينادىق. وسى ورايدا، قالا تۇرعىندارى مەن قوناقتارىنا ءبىزدىڭ جۇمىسىمىزعا قۇرمەتپەن قاراسا دەيمىز»، - دەدى ق.الين.