اتالمىش قاتەلىكتى العاشقى بولىپ امەريكالىق Dailynews پورتالى جىبەرگەن.

شەتەلدىك باق-تاردىڭ قاتارى گولليۆۋد اكتەرى نيكولاس كەيدجبەن سۋرەتكە تۇسكەن قازاقستاندىق سكريپكاشى ايمان مۇساقوجايەۆانى قازاقستاننىڭ ءبىرىنشى حانىمى سارا نازاربايەۆامەن شاتاستىرىپ العان، دەپ حابارلايدى Qamshy.kz اقپارات اگەنتتىگى.

ءبىرىنشى بولىپ قاتەلەسكەن امەركالىق Dailynews سايتى بولدى، كەيىننەن وزگە اقپاراتتىق اگەنتتىكتەر سايتتان ءدال سونداي قاتەلىكپەن كوشىرىپ العان.

شەتەلدىك ب ا ق «سوكروۆيششە ناسيي» ءفيلمىنىڭ جۇلدىزى قازاقتىڭ ۇلتتىق كيىمىمەن استانادا وتكەن «ەۋرازيا» كينوفەستيۆالىندە قازاقستاننىڭ ءبىرىنشى حانىمى سارا نازاربايەۆامەن سۋرەتكە ءتۇستى» دەپ جازعان.

ايتا كەتەيىك، 23 شىلدە كۇنى گولليۆۋد اكتەرى، ءارى رەجيسسەر نيكولاس كەيدج قازاق ۇلتتىق ونەر ۋنيۆەرسيتەتىندە بولدى. ۋنيۆەرسيتەت رەكتورى ايمان مۇساقوجايەۆا كادەگە ساي شەتەلدىك قوناققا قازاقتىڭ ۇلتتىق شاپانىن جاپتى، كەيىن بىرگە سۋرەتكە دە ءتۇستى.

نيكولاس كەيدج استاناعا «ەۋرازيا» XIII حالىقارالىق كينوفەستيۆالىنە قاتىسۋ ءۇشىن كەلگەن. اكتەر «بەس كونتينەنت» اتالاتىن بالالارعا ارنالعان كينونىڭ اشىلۋىنا قاتىسىپ، ارتىنشا مۇمكىندىگى شەكتەۋلى بالالارمەن كەزدەستى.