يراك اسكەرى موسۋل قالاسىنىڭ باتىس بولىگىنەن سودىرلارعا تيەسىلى جارىلعىش شىعاراتىن زاۋىتتى انىقتاپ، جويىپ جىبەردى. لاڭكەستىككە قارسى جاساق وكىلدەرىنىڭ ايتۋىنشا، كاسىپورىن بادۋش ەلدى مەكەنىندە ورنالاسقان، دەپ حابارلايدى Qamshy.kz اقپارات اگەنتتىگى شەتەلدىك ب ا ق مالىمەتىنە سۇيەنىپ. ول جەردەن جارىلعىش جاساۋعا قاجەتتى زاتتار جاسىرىلعان قويما تابىلدى. سونىمەن قاتار، يراك اسكەرى لاڭكەستەر ەكى اپتا بۇرىن عانا باسىپ العان اۋىلدى ازات ەتتى. ولار مۇندا ەسكى شاھاردان شەگىنىپ شىققاننان كەيىن شابۋىلداعان.

دەرەكتەرگە قاراعاندا ەلدى مەكەندە 700-گە جۋىق تەرروريست جاسىرىنعان. قاقتىعىس كەزىندە ولاردىڭ 300-گە جۋىعى قازا تاپقان بولۋى مۇمكىن. ازىرگە كوبىنىڭ ءمايىتى قيراندى استىندا جاتىر.

ەسكە سالا كەتەيىك، يراك پرەمەر-مينيسترى حايدار ابادي موسۋلدىڭ سودىرلاردان ازات ەتىلگەنىن 10 شىلدە كۇنى رەسمي تۇردە مالىمدەدى.