پاۆلوداردا كۋتۋزوۆا كوشەسى 291 مەكەنجايىندا ورنالاسقان كوپ قاباتتى ۇيدەگى پاتەرلەردىڭ بىرىندە ءورت شىعىپ، 15 ادام سىرتقا شىعارىلدى، ونىڭ ۇشەۋى - بالا، دەپ حابارلايدى Qamshy.kz اقپارات اگەنتتىگى رavlodarnews.kz مالىمەتىنە سۇيەنىپ.  وبلىستىق تجد مەملەكەتتىك ءتىل جانە اقپارات توبى ۇسىنعان مالىمەتكە سۇيەنسەك، كەشە 11:54 مينۋتتا ءورتتىڭ ورىن العانى تۋرالى كەزەكشى بولىمگە حابارلاما كەلىپ تۇسكەن.

- وقيعا ورنىندا №2 جانە №34 ءورت بولىمشەلەرىنىڭ ءۇش تەحنيكاسى جۇمىلدىرىلدى. ۇيدە اس بولمە زاتتارى، اعاش بۇيىمدار، تەرەزە مەن جيھازدارى جانعان، ءورت كولەمى 20 شارشى مەتردى قۇرادى. قۇتقارۋشىلار پاتەرگە ەنۋ ءۇشىن ەكىنشى قاباتقا ساتى ورناتتى. 12:22 مينۋتتا ءتىلسىز جاۋ اۋىزدىقتالىپ، 12:50 مينۋتتا تولىقتاي ءسوندىرىلدى. اتالمىش پاتەردە 1951 جىلى تۋعان ەر ازامات تۇرعان، ول پاتەر يەسى ەمەس، جالداپ تۇراتىن ازامات. ءورتتىڭ سەبەپتەرى مەن شىعىندارى انىقتالۋدا، - دەدى تجد ماماندارى.