وڭتۇستىك قازاقستان وبلىسىندا گازەتتىڭ باس رەداكتورى كاسىپكەردەن 5 ملن. تەڭگە بوپسالاماق بولعان. ءوزىن مەملەكەتتىك كىرىس دەپارتامەنتىنە قاراستى ەكونوميكالىق تەرگەۋ ءبولىمىنىڭ قىزمەتكەرىمىن دەپ تانىستىرعان جۋرناليست كاسىپكەرگە قامقورلىق جاسايمىن دەپ اقشا تالاپ ەتكەن، دەپ حابارلايدى Qamshy.kz اقپارات اگەنتتىگى  قازاقپارات مالىمەتىنە سۇيەنىپ. 

وبلىستىق مەملەكەتتىك كىرىس دەپارتامەنتىنىڭ باسپا ءسوز قىزمەتىنىڭ مالىمەتىنشە، گازەتتىڭ باس رەداكتورى وبلىستىق پروكۋراتۋرانىڭ جانىندا كاسىپكەردەن 100 مىڭ تەڭگەسىن الىپ جاتقان جەرىنەن ۇستالعان.

«بيىلعى جىلدىڭ 17ء-شى شىلدەسى كۇنى وڭتۇستىك قازاقستان وبلىستىق مەملەكەتتىك كىرىستەر دەپارتامەنتىنىڭ ىشكى قىزمەت باسقارماسىنىڭ وكىلدەرى وبلىستىق ءىىد ۇيىمداسقان قىلمىسقا قارسى كۇرەس باسقارماسىمەن بىرلەسە وتىرىپ، مۋكوۆنيكوۆ د. ا دەگەن ازاماتتان 100 مىڭ تەڭگە الىپ جاتقان جەرىنەن ومىرالييەۆ عاني بەكقوجايەۆيچتى ۇستادى. ول «قوعامدىق باقىلاۋ» گازەتىنىڭ باس رەداكتورى بولا تۇرا ءوزىن مەملەكەتتىك كىرىس دەپارتامەنتىنە قاراستى ەكونوميكالىق تەرەۋ ءبولىمىنىڭ قىزمەتكەرىمىن دەپ تانىستىرعان. ءتىنتۋ كەزىندە ونىڭ قالتاسىنان 100 مىڭ تەڭگە مەن وڭىرلىك مەملەكەتتىك كىرىس دەپارتامەنتى قىزمەتكەرى دەگەن جالعان كۋالىك تابىلدى» دەلىنگەن باسپا ءسوز مالىمدەمەسىندە.

جۋرناليست الاياقتىق ارەكەت جاساۋ ماقساتىندا مۋكوۆنيكوۆكە ويىن بيزنەسىنە قامقورلىق جاسايمىن دەپ، ودان باس-اياعى 5 ملن. تەڭگە تالاپ ەتكەن. قازىرگى تاڭدا 1983 جىلى تۋعان گازەتتىڭ باس رەداكتورى وبلىستىق ءىىب ۋاقىتشا تەرەۋ اباقتىسىنا قاماۋعا الىندى. ونىڭ ۇستىنەن قىلمىستىق كودەكستىڭ 128ء-شى بابىمەن ءىس قوزعالىپ، تەرگەۋ امالدارى جۇرگىزىلۋدە.

ايتا كەتەيىك، بۇل وڭىردە ءجۋرناليستىڭ بوپسالاۋ دەرەگى بويىنشا ۇستالعان ءبىرىنشى وقيعا ەمەس. بۇعان دەيىن رەسپۋبليكالىق «ادىلەت» گازەتىنىڭ باس رەداكتورى قۋانىش بوتابەكوۆ حالىقتان قىرۋار قاراجات بوپسالادى دەپ ايىپتالىپ، 7 جىل 6 ايعا سوتتالعان بولاتىن. ول ءقازىر جازاسىن قاتاڭ تارتىپتەگى كولونيادا وتەپ جاتىر.