المازبەك اتامبايەۆ پرەزيدەنتتىك سايلاۋدىڭ كەز كەلگەن ناتيجەسىن قابىلداپ، بەيبىت تۇردە بيلىكتى بەرەتىنىن مالىمدەدى دەپ حابارلايدى Qamshy.kz اقپارات اگەنتتىگى Knews.kg-گە سىلتەمە جاساپ.

 دۇيسەنبى كۇنى ەسىك كولى اۋماعىندا اتامبايەۆتىڭ جىلدا ۇيىمداستىرىلاتىن پرەسس-كونفەرەنسياسى ءوتىپ جاتىر. وعان 70 شاقتى رەسپۋبليكالىق، اۋداندىق جۋرناليستەر جانە حالىقارالىق ب ا ق وكىلدەرى، ساياساتكەرلەر، ساراپشىلار  قاتىسىپ جاتىر.

 ءداستۇرلى جازعى پرەسس-كونفەرەنسيا اتامبايەۆتىڭ بيلىك باسىندا بولعان 6 جىل ۋاقىتىن قورىتىندىلاۋ ىسپەتتى. 1  جەلتوقساندا ونىڭ پرەزيدەنتتىك ۋاكىلەتتىلىگى توقتايدى. ال 15 قازاندا كەزەكتى پرەزيدەنتتىك سايلاۋ وتەدى. كونستيتۋسياعا ساي، قازىرگى پرەزيدەنت وعان قاتىسا المايدى.

 «مەن پرەزيدەنت رەتىندە سوڭعى پرەسس-كونفەرەنسيامدى وتكىزىپ جاتىرمىن. ەكى جارىم ايدان كەيىن حالىق جاڭا پرەزيدەنتتى تاڭدايدى. بارلىعىن جاساپ ۇلگەرمەگەنىم وكىنىشتى، الايدا ءالى دە ۇلگەرەمىن دەپ ۇمىتتەنەمىن» دەدى اتامبايەۆ.

 ول كەز كەلگەن پرەزيدەنتتىك قورىتىندىنى قابىلداۋعا ءازىر ەكەنىن دە اتاپ ءوتتى.

 «سايلاۋدىڭ ناتيجەسى قانداي بولسا دا ونى قابىلداۋ كەرەك. ەسەپتەۋ ءادىل تۇردە جۇرگىزىلەتىنىنە جانە بيلىكتى بەيبىت تۇردە تابىس ەتەتىنىمە كەپىلدىك بەرەمىن» دەدى قىرعىزستان پرەزيدەنتى.

 پرەزيدەنت سايلاۋىنىڭ قورىتىندىسى ءۇشىن ۋايىمدايتىنىن دا جەتكىزدى.

 «ءقازىر پرەزيدەنتتىككە ۇمىتكەرلەر جاقىندا عانا ەلدە ءبىرىنشى جانە ەكىنشى سورتتى ادامدار بار ەكەنىن مالىمدەگەن. ءبىزدىڭ حالىق وتە سەنگىش جانە كەشىرىمدى. الايدا ساياساتكەرلەرگە كەشىرۋگە بولمايتىن جاعدايلار بولادى. ەشقانداي ءبىر كۇندىك مارتەبە ەلدەگى جاعدايدىڭ ۋشىعۋىن اقتاي المايدى» دەدى ول.