ەو اقش-تىڭ رەسەيگە قارسى ۇيىمداستىرىلماق سانكسيالارىنا قارسى، دەپ حابارلايدى Qamshy.kz اقپارات اگەنتتىگى. Financial Times باسىلىمىنىڭ مالىمەتىنشە، ۇسىنىلعان شەكتەۋلەر رەسەيدە زاڭدى تۇردە كاسىپ جۇرگىزىپ وتىرعان ەۋروپالىق كومپانيالاردىڭ مۇددەلەرىن قوزعايتىن بولسا، بريۋسسەل ۆاشينگتونعا جاۋاپ بەرۋگە دايىن.

ەۋروكوميسسيانىڭ ءتوراعاسى جان-كلود يۋنكەردىڭ ايتۋىنشا، ەگەر ەو-نىڭ الاڭداۋشىلىعىن نازارعا ىلمەي انتيرەسەيلىك سانكسيالار قابىلدانسا، «جاقىن كۇندەرى ىس-ارەكەتكە كوشۋ كەرەك».

بريۋسسەل اقش اكىمشىلىگىنەن شەكتەلگەن شارالاردىڭ ەو مۇددەسىنە قاتىسى بولماۋى ءتيىس ەكەندىگى جونىندە حالىق الدى نەمەسە جازباشا تۇردە ءوتىنىش تالاپ ەتپەك.

ايتا كەتەيىك، اقش كونگەرسى پالاتاسىنىڭ وكىلدەرى رەسەيگە، سونداي-اق يران مەن كحدر قارسى سانكسيا جۇرگىزۋ تۋرالى زاڭناما قابىلداعان. قۇجات سەناتتا ماقۇلدانعان سوڭ پرەزيدەنتكە قول قويۋ ءۇشىن جىبەرىلمەك بولدى.