سولتۇستىك قازاقستان وبلىسىنىڭ اكىمى قۇمار اقساقالوۆ جۇمىس ساپارىمەن قىزىلجار جانە م.جۇمابايەۆ اۋداندارىندا بولدى. ءوڭىر باسشىسى  الدىن الا جوسپارلانعان باعىت بويىنشا  بارماعانىن اتاپ ايتۋ كەرەك، دەپ حابارلايدى Qamshy.kz اقپارات اگەنتتىگى سقو اكىمدىگىنىڭ باسپا ءسوز قىزمەتىنە سىلتەمە جاساپ.

اكىم ەڭ الدىمەن  قىزىلجار اۋدانىنداعى سوكولوۆ اۋىلدىق وكرۋگىنە  ات باسىن تىرەدى. وندا ءوڭىر باسشىسى سوكولوۆ  ورتا مەكتەبىنە باردى. بۇگىنگى كۇنى وقۋ ورنىندا  265 وقۋشى بار. قۇمار اقساقالوۆ ءۇش زالى بار مەكتەپ مۇراجايىن ارالادى. سپورتزالدا وبلىس اكىمى  اۋداندىق جارىسقا دايىندالىپ جاتقان سپورتشىلارمەن اڭىگىمەلەستى. ول وبلىس مەكتەپتەرى اراسىندا  ۇلگىلىلەردىڭ ءبىرى بولىپ سانالادى. جاڭا وقۋ جىلىنا ازىرلىك جۇمىستارى بەلسەندى تۇردە جۇرگىزىلۋدە.  مەكتەپ جانىنداعى شاعىن ورتالىقتا جوندەۋ جۇمىستارى  اتقارىلۋدا. ول 75 بالاعا شاقتالعان.

«ءبىز اۋدان ازىرلەگەن باعىت بويىنشا  جۇرگەمىز جوق. سوندىقتان ءاربىر اۋدانداعى كەز كەلگەن مەكتەپكە سوعاتىن بولامىز. جاعدايدىڭ قالاي ەكەندىگىن، جاڭا وقۋ جىلىنا  قالاي ازىرلەنىپ جاتقاندىعىن بايقايمىز. جازعى لاگەرلەردىڭ قالاي  جۇمىس ىستەپ جاتقاندىعىن، ونىڭ تيىمدىلىگىن  كورسەم دەيمىن»،- دەدى قۇمار اقساقالوۆ.

ءوڭىر باسشىسى الەۋمەتتىك نىساندارمەن قاتار،  ەلدى مەكەندەردىڭ كوركەيتىلۋىنە دە نازار اۋداردى. وبلىس اكىمى ۆينوگرادوۆ اۋىلدىق وكرۋگىندە جەر  القاپتارىنىڭ پايدالانۋ تيىمدىلىگىن تەكسەردى. تەكسەرۋ بارىسىندا «ۆينوگرادوۆ اگروفيرماسى» جشس-نا جالعا بەرىلگەن جەردىڭ دۇرىس پايدالانىلمايتىندىعى انىقتالدى. سەرىكتەستىكتىڭ قۇرىلتايشىسى ادام بوگەيەۆ ەكەن. ونداعى جەر ۋچاسكەلەرىنە ءارامشوپ قاپتاپ كەتكەن.

«جەر جاقسى. ءبىراق وندا جۇمىس ىستەمەيدى ەكەنسىز. ءسىز استىق المايسىز، ال ادامدار ەڭبەكاقىسىز قالادى. ءسىز ءسويتىپ  مەملەكەتتىڭ مۇلكىن ءتيىمسز پايدالاناسىز. ول دۇرىس ەمەس»،-  دەدى وبلىس اكىمى.

ودان كەيىن وبلىس اكىمى قىزىلجار اۋدانىنىڭ اكتيۆىمەن كەزدەستى. كەزدەسۋ كەزىندە اۋداننىڭ  الەۋمەتتىك-ەكونوميكالىق دامۋىنىڭ ءبىرىنشى جارتىجىلدىقتاعى قورىتىندىسى تالقىلاندى. ول جايلى جيتنالعاندارعا  اۋدان اكىمى بولات جۇمابەكوۆ باياندادى.

م.جۇمابايەۆ اۋدانىنا ساپار كەزىندە  ءوڭىر باسشىسى ۋسپەن اۋىلدىق وكرۋگىنىڭ اگرارشىلارىمەن كەزدەستى. وبلىس اكىمى القاپتاردا تەحنولوگيالاردىڭ  ساقتالۋى مەن اۋىسپالى ەگىستىك ماسەلەسىنە قىزىعۋشىلىق ءبىلدىردى.

«القاپتاردى ارالايتىن بولامىز. ءقازىر پار دەپ وتىرعان پارلارىمىز بارلىق تالاپتارعا جاۋاپ بەرمەيدى. سونى بىرلەسە تەكسەرۋىمىز كەرەك»،- دەدى  اۋىل شارۋاشىلىعى تاۋارلارىن وندىرۋشىلەرمەن اڭگىمەلەسكەن كەزدە قۇمار اقساقالوۆ.

سوسىن ءوڭىر باسشىسى اۋىلدىڭ كوركەيتىلۋىمەن جانە  ەگىستىك القاپتاردىڭ جاعدايىمەن تانىستى.

«شارۋاشىلىقتىڭ،  اۋدان اكىمدىگىنىڭ قالاي جۇمىس ىستەيتىندىگىن، جاعدايدى بارىنشا باقىلاۋ ءۇشىن قانداي شارالار قولدانىپ جاتقاندىعىن  كورىپ وتىرمىز. باقىلاۋ ءۇشىن نەنى باقىلاۋ كەرەكتىگىن، قالاي باقىلاۋ قاجەتتىگىن ءبىلۋ كەرەك. جۇيەلىلىك بولماسا، جاعداي وزگەرىپ كەتۋى مۇمكىن. جۇيە سوڭىنا دەيىن جۇمىس ىستەمەيتىندىگىن بايقاپ،  ارنايى كەلدىك»،- دەدى ارالاۋدىڭ قورىتىندىسىن شىعارعان قۇمار اقساقالوۆ.

بۋلايەۆ قالاسىندا «جۇمىسپەن قامتۋدىڭ جول كارتاسى - 2020» باعدارلاماسى بويىنشا  سالىنعان 18 پاتەرلىك  جاتاقحانامەن وبلىس اكىمىن تانىستىردى. جۇمىس ساپارى م.جۇمابايەۆ  اۋدانى اكتيۆىمەن كەزدەسۋمەن اياقتالدى.