مەملەكەت باسشىسى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ولاردى قازاقستان رەسپۋبليكاسى كونستيتۋسياسىنىڭ نورمالارىنا سايكەس كەلتىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭىنا قول قويىلدى دەپ حابارلايدى Qamshy.kz  اقپارات اگەنتتىگى قوستاناي وبلىسىنىڭ پروكۋراتۋراسىنا سىلتەمە جاساي وتىرىپ. 

زاڭنامالىق تۇزەتۋلەر 25 شىلدەدەن باستاپ زاڭدى كۇشىنە ەنەدى.

ازاماتتىق ىستەر بويىنشا شىعارىلعان سوت شەشىمدەرىنە شاعىمدانۋ تارتىبىنە ءبىرقاتار وزگەرىستەر ەنگىزىلدى.

ازاماتتىق پروسەستىك كودەكستىڭ جاڭا رەداكسياسىنداعى 435-بابىنا سايكەس الداعى ۋاقىتتا باس پروكۋرور ىسكە قاتىسۋشىلاردىڭ وتىنىشتەرى نەگىزىندە كاسساسيالىق نارازىلىقتى تەك قانا پروكۋروردىڭ قاتىسۋىمەن قارالعان ازاماتتىق ىستەر بويىنشا سوت اكتىلەرىنە كەلتىرە الادى.

ازاماتتىق پروسەستىك كودەكستىڭ 54-بابىنىڭ 2-بولىگىنىڭ تالابىنا سايكەس پروكۋرور تەك 3 جاعدايدا ازاماتتىق ىسكە قاتىسۋعا مىندەتتى. ولار، ەگەر سوتپەن قارالاتىن داۋ مەملەكەتتىڭ، قوعامنىڭ جانە ءوز-وزىن قورعاي المايتىن ازاماتتىڭ مۇددەسىنە قاتىستى بولسا. 

ياعني، باس پروكۋراتۋرا باسقا داۋلار بويىنشا زاڭدى كۇشىنەن ەنگەن سوت شەشىمدەرىنە كاسساسيالىق نارازىلىقتى كەلتىرۋ تۋرالى وتىنىشتەردى نەگىزىنەن قارامايدى.

ازاماتتار مەن زاڭدى تۇلعالار زاڭدى كۇشىنە ەنگەن سوت اكتىلەرىنە داۋ ايتۋ ءوتىنىشتى تەك قانا جوعارعى سوتقا بەرە الادى.

سونداي-اق ەرەكشە جاعدايدا سوت اكتىلەردى جوعارعى سوت ءتوراعاسى ەنگىزگەن ۇسىنۋ نەگىزىندە دە قارالۋى مۇمكىن.