بۇگىن ق ر پرەمەر-مينيسترى باقىتجان ساعىنتايەۆتىڭ توراعالىعىمەن وتكەن ق ر ۇكىمەت بارىسىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ەسىرتكى قۇرالدارى، پسيحوتروپتىق زاتتار، ولارعا ۇقساس زاتتار جانە پرەكۋرسورلار اينالىمىن باقىلاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى قابىلداندى، دەپ حابارلايدى Qamshy.kz اقپارات اگەنتتىگى.
ق ر ىشكى ىستەر ءمينيسترى ق. قاسىموۆ حالىقارالىق تاجىريبەگە سايكەس، ەسىرتكىلەر اينالىمىن باقىلاۋ بويىنشا بۇۇ حالىقارالىق كوميتەتتەرىنىڭ ۇسىنىستارى مەن ق ر كونستيتۋسيالىق كەڭەسىنىڭ تۇجىرىمى بويىنشا تىيىم سالىنعان زاتتاردىڭ ۇلتتىق ءتىزىمىن بەكىتۋ تۋرالى شەشىم قابىلدانعانىن مالىمدەدى.
ق ر ۇكىمەتىنىڭ ءتيىستى اكتتى قابىلداۋى ەلدەگى تىيىم سالىنعان ەسىرتكى قۇرالدارىنىڭ ءتىزىمىن نارىقتا پايدا بولىپ جاتقان پسيحيكالىق بەلسەندى زاتتاردىڭ جاڭا تۇرلەرىمەن شۇعىل تولىقتىرۋعا مۇمكىندىك بەرەدى. بۇدان وزگە، ەسىرتكىلەردىڭ ۇلتتىق ءتىزىمى 88 نەگىزگى، الەۋەتتى ءقاۋىپتى پسيحيكالىق بەلسەندى زاتتارمەن تولىقتىرىلادى. بۇل ەاەو مەملەكەتتەرى مەن ەسىرتكىلەر اينالىمىن باقىلاۋ بويىنشا بۇۇ حالىقارالىق كوميتەتىنىڭ باقىلاۋىنداعى سينتەتيكالىق ەسىرتكىلەردىڭ بارلىق ءتىزىمىن قامتۋعا مۇمكىندىك بەرەدى.
سونىڭ ناتيجەسىندە، «ەسىرتكى زاتتارى تۋرالى» زاڭ ارقىلى تەك باقىلاۋعا الىنعان ەسىرتكىلەردىڭ اينالىمى عانا ەمەس، سونىمەن قاتار بولاشاقتا شىعۋى مۇمكىن جاڭا تۇرلەرى دە رەتتەلەتىن بولادى.
