بۇل تۋرالى ق ر ينۆەستيسيالار جانە دامۋ ءمينيسترى جەڭىس قاسىمبەك ۇكىمەت وتىرىسىندا مالىمدەدى، دەپ حابارلايدى Qamshy.kz اقپارات اگەنتتىگى. ونىڭ ايتۋىنشا، «نۇرلى جول» مەملەكەتتىك باعدارلاماسىنىڭ نەگىزگى باسىم مىندەتتەرىنىڭ ءبىرى رەسپۋبليكالىق ماڭىزداعى اۆتوجولدارعا اقىلى جۇيە ەنگىزۋ بولىپ تابىلادى. بارلىعى 6،5 مىڭ شاقىرىم اۆتوجولدى اقىلى ەتۋ جوسپارلانۋدا.

«بيىل ءبىز استانا-تەمىرتاۋ (132 كم) جانە الماتى-قاپشاعاي (42 كم) اۆتوجولدارىندا اقى الۋ جۇيەسىن مونتاجداۋ جۇمىستارىنا كىرىستىك. ال، ەكىنشى جارتىجىلدىقتا الماتى-قورعاس (295 كم) اۆتوجولىنداعى اقىلى جۇيەنى مونتاجداۋ جۇمىسى باستالادى. جىل سوڭىنا قاراي اتالمىش ۋچاسكەلەردە اقىلى جۇيە تولىق ەنگىزىلىەتىن بولادى»،-دەدى مينيستر جەڭىس قاسىمبەك.

  ق ر يدم باسشىسىنىڭ مالىمەتى بويىنشا جىل سوڭىنا دەيىن 5،5 مىڭ شاقىرىم جولعا اقىلى جۇيە ەنگىزۋ جوبالارىن ازىرلەۋدى اياقتاۋ جوسپارلانىپ وتىر (قاپشاعاي-تالدىقورعان، استانا – قوستاناي – رف شەكاراسى، پاۆلودار – رف شەكاراسى، اقتوبە – ورال –رف شەكاراسى، اتىراۋ – دوسسور – بەينەۋ – اقجىگىت – وزبەكستان شەكاراسى، رف شەكاراسى – اقتوبە – قىزىلوردا، تاراز – قاينار، ششۋچينسك – كوكشەتاۋ – پەتروپاۆل –رف شەكاراسى، ورال – رف شەكاراسى، استانا – پاۆلودار، اقتاۋ – بەينەۋ، قىزىلوردا-شىمكەنت-تاراز، شىمكەنت- وزبەكستان شەكاراسى). 

اقىلى جۇيەنى ەنگىزۋ مەن جۇيەنى پايدالانۋ ءۇشىن وسى سالاداعى الەمگە تانىمال كومپانيالاردى (Kapch، FETC، رت-ينۆەست) جۇمىلدىرۋ ماقساتىندا ەقدب-نىڭ قوسىمشا قارجىلاندىرۋىمەن ينۆەستورلار تارتۋ جوسپارلانۋدا (ىسكە اسىرۋ كەزەڭى 2018-2019 جىلدار).

قازىرگى ۋاقىتتا «قازاۆتوجول» ۇك» اق ەقدب-نەن 150 ملن. اقش دوللارى سوماسىندا زايم تارتۋ بويىنشا جۇمىستار جۇرگىزۋدە.