جان-جاقتى شارپىعان جالىن ءقازىر فرانسيا جۇرتىن ابىگەرگە سالىپ جاتىر. مۇندا وتقا ورانعان اۋماقتىڭ كولەمى 3 مىڭ گەكتاردان اسادى. ءتىلسىز جاۋدىڭ كەسىرىنەن مىڭداعان ادام ءۇي-جايىن تاستاپ، ءقاۋىپسىز ايماققا كوشتى. جەرگىلىكتى بيلىك ءورتتى وشىرۋگە ءوزىنىڭ شاماسى جەتپەيتىنىن مويىنداپ، ەۋرووداقتان كومەك سۇرادى. پورتۋگالياداعى جاعداي دا وسىعان ۇقساس. مۇندا ۇيىتقىعان جەلدىڭ ۇدەي تۇسۋىنە بايلانىستى جالىن تىم جەدەل جايىلىپ بارادى، دەپ حابارلايدى Qamshy.kz اقپارات اگەنتتىگى شەتەلدىك باق-قا سىلتەمە جاساپ.
ال پورتۋگالدىق ءورت سوندىرۋشىلەردىڭ ونى تەجەۋگە قاۋقارى جەتەر ەمەس. جەرگىلىكتى اقپارات كوزدەرىنىڭ مالىمەتىنە قاراعاندا، پورتۋگاليا – ەۋرووداق ەلدەرى ىشىندە جالىنمەن كۇرەسۋدە ەڭ پارمەنسىز مەملەكەت. ويتكەنى، مۇندا ءورت وشاعىن انىقتاۋ باسقارماسى ءبىر مينيسترلىككە، ال ونى وشىرەتىندەر وزگە مينيسترلىكتىڭ قۇزىرىنا قارايدى. سوندىقتان ءوزارا اقپارات الماسۋ وتە سىلبىر.
