مىسىردا جوعالىپ كەتكەن 6 قازاقستاندىق ستۋدەنتتى كايردىڭ قۇقىق قورعاۋ ورگاندارى ۇستاپ وتىر دەپ حابارلايدى Qamshy.kz اقپارات اگەنتتىگى. بۇل جايىندا ق ر سىرتقى ىستەر مينيسترلىگى باسپا ءسوز قىزمەتىنىڭ جەتەكشىسى ءانۋار جايناقوۆ فەيسبۋكتەگى پاراقشاسىنا جاريالادى.
«ءبىزدىڭ ديپلوماتتارىمىزدان مىسىردا جوعالعان قازاقستاندىق ستۋدەنتتەردى ىزدەستىرۋ ناتيجەسى بويىنشا الدىن الا اقپارات ءتۇستى. جاڭا عانا سەنىمدى كوزدەردەن الىنعان اقپارات بويىنشا اتالعان قازاقستاندىق ستۋدەنتتەردى كاير قالاسىندا قۇقىققورعاۋ ورگاندارىنىڭ قىزمەتكەرلەرى ۇستاپ العان جانە ولار وسى ەلدىڭ اۋماعىندا. ولاردىڭ ءومىر مەن دەنساۋلىعىنا تونگەن قاتەر جوق»، -دەدى ءانۋار جايناقوۆ
«تاياۋ ارادا قازاقستان ەلشىسى مىسىر سىرتقى ىستەر ءمينيسترىنىڭ ورىنباسارىمەن وسى ماسەلەگە بايلانىستى كەزدەسۋ وتكىزبەك. قوسىمشا اقپارات مىسىر تارابىمەن كەلىسسوزدەر ناتيجەسى بويىنشا حابارلاناتىن بولادى. وسى ماسەلە قازاقستان سىرتقى ىستەر مينيسترلىگى باسشىلىعىنىڭ ەرەكشە جانە ۇنەمى باقىلاۋىندا»، - دەدى ق ر سىرتقى ىستەر مينيسترلىگى باسپا ءسوز قىزمەتىنىڭ جەتەكشىسى ءانۋار جايناقوۆ.
