امەريكاندىق استروناۆت نيل ارمسترونگتىڭ ايدىڭ توپىراعى سالىنعان سومكەسى اۋكسيوندا ساتىلدى. ارمسترونگتىڭ ايدان وزىمەن بىرگە الىپ قايتقان تاس ارالاس توپىراق ۇلگىسى  Sotheby’s اۋكسيونىندا جەكە مەنشىك يەلىگىنە ساتىلدى دەپ حابارلايدى Qamshy.kz اقپارات اگەنتتىگى gazeta.ru-عا سىلتەمە جاساپ. بۇل سومكەنى 2015 جىلى نەنسي كارلسون ەسىمدى چيكاگولىق ادۆوكات تەحاستا وتكىزىلگەن اۋكسيوننان 995 دوللارعا ساتىپ الادى. كەيىننەن ول ىشىنە قاراپايىم قۇم مەن تاس تولتىرىلعان سومكەنى NASA اگەنتتىگىنە اپارىپ بەرەدى. ال اگەنتتىك سومكەدەگى توپىراق پەن تاستىڭ اي بەتىنەن الىنعانىن جانە ونىڭ مەملەكەت مەنشىگى ەكەنىن ايتىپ، قاتەلىك كەسىرىنەن اۋكسيوندا ساتىلىپ كەتكەنىن العا تارتادى. ءبىراق كارلسون ول سومكەنىڭ ءوزىنىڭ جەكە مەنشىگى ەكەنىن سوت ارقىلى دالەلدەپ، ولجاسىن اۋكسيون ارقىلى ساتتى. 
نەگىزىنەن، بۇل توپىراقتىڭ باعاسى 4 ملن. دوللارعا باعالانعان بولاتىن.