بۇل تۋرالى بۇگىن ۇكىمەت ۇيىندە «100 ناقتى قادام» ۇلت جوسپارىنىڭ الەۋمەتتىك جانە ءبىلىم سالالارىنىڭ جۇزەگە اسىرىلۋىنا ارنالعان بريفينگتە ق ر ءبىلىم جانە عىلىم ءمينيسترى ەرلان ساعادييەۆ ايتتى، دەپ حابارلايدى  Qamshy.kz اقپارات اگەنتتىگى.

«بيىل اعىلشىن ءتىلى كۋرستارىنا 12 مىڭ ءمۇعالىم جازىلعان. ونىڭ ىشىندە 4 مىڭ ءمۇعالىم اعىلشىن ءتىلى كۋرستارىن باستاپ كەتتى. جاڭا وقۋ جىلىنان باستاپ 8 مىڭ ءمۇعالىم وقۋدى باستايدى. كۋرس 3، 6، 9 اي بولىپ بولىنەدى. ەگەر ءمۇعالىم 9 ايلىق كۋرستان وتەتىن بولسا، وندا ونىڭ جۇمىس ورنى، جالاقىسى ساقتالىپ، قوسىمشا شاكىرتاقىسى  تولەنەدى. جول شىعىنى وتەلەدى. كۋرستى اياقتاعاننان كەيىن اعىلشىن تىلىندە ساباق بەرە الاتىن بولسا جالاقىسىنا 25% ۇستەمە قوسىلادى»،-  دەدى ەرلان ساعادييەۆ.

2019 جىلدان باستاپ 10-11 سىنىپتاردا كەيبىر پاندەر اعىلشىن تىلىندە وقىتىلاتىن بولادى. سوندىقتان قازىردەن باستاپ سول ءپان مۇعالىمدەرى تىلدىك كۋرستارىن وقىپ جاتىر.