«تاليبان» اسكەرلەرىنىڭ اۋعانستاننىڭ وڭتۇستىگىندەگى كانداگار پروۆينسياسىنىڭ اسكەري بازاسىنا جاساعان شابۋىلىنىڭ سالدارىنان كەم دەگەندە 26 اسكەري قىزمەتكەر قازا تاۋىپ، 13ء-ى اۋىر جاراقات الدى، دەپ جازادى Qamshy.kz اقپارات اگەنتتىگى. مينيسترلىكتىڭ رەسمي وكىلى داۆلات ءۆازيريدىڭ حابارلاۋىنشا، حاكرەز اۋدانىنداعى كارزيالاي اسكەري بازاسىندا ورىن العان شابۋىل بارىسىندا «تاليباننىڭ» 80 اسكەرى قازا تاپتى. شابۋىل 26 شىلدەدە بولدى.
ازاتتىقتىڭ اۋعاندىق رەداكسياسىنىڭ مالىمەتىنشە، اۋىر قاقتىعىستا ەڭ ازى 30 سارباز كوز جۇمدى.
«تاليبان» 74 اسكەري قىزمەتكەردى ولتىرگەندەرىن جانە 6 ادامدى ۇستاعاندارىن ايتىپ، شابۋىلدىڭ جاۋاپكەرشىلىگىن مويىندارىنا الدى.
اۋعانستاننىڭ قورعانىس مينيسترلىگى وقيعا ورنىنا قوسىمشا كۇشتەردىڭ جىبەرىلگەنىن ءمالىم ەتتى.
