اق ءۇي رەسەيگە قارسى سانكسيالاردىڭ وزگەرۋ مۇمكىندىگىن ايتتى

/uploads/thumbnail/20170727102805016_small.jpg

اق ءۇي انتيرەسەيلىك سانكسيالار تۋرالى زاڭناماعا وزگەرىس ەنۋ مۇمكىن ەكەنىن ايتتى، دەپ جازادى Qamshy.kz اقپارات اگەنتتىگى. دەسە دە پرەزيدەنت پەن اكىمشىلىك ماسكەۋگە قارسى شارالاردى قولداپ وتىر.

اقش پرەزيدەنتى دونالد ترامپ، اق ءۇي جانە مەملەكەت اكىمشىلىگى رەسەي، يران، سولتۇستىك كورەياعا قارسى سانكسيالاردى قولداعانىمەن، تۇپكىلىكتى شەشىم قابىلدانعان كۇننىڭ الدىندا زاڭنامانىڭ وزگەرۋى مۇمكىن ەكەنى حابارلاندى. بۇل جونىندە جۋرناليستەرگە اق ءۇيدىڭ باسپا ءسوز حاتشىسى سارا ساندەرس حابارلاعان.

"قوسىمشا وزگەرىستەر بولۋى مۇمكىن. جانە تۇپكىلىكتى شەشىم قابىلداعانعا دەيىن ول وزگەرىستىڭ قانداي كورىنىس تاباتىنىن باقىلايمىز»، - دەدى ساندەرس.

سونداي-اق ول اقش بيلىگىنىڭ سانكسيالىق رەجيمدى قولدايتىنىنا كۇمان كەلتىرمەيتىنىن ايتتى.

«اق ءۇي، پرەزيدەنت جانە اكىمشىلىك رەسەي، يران، سولتۇستىك كورەياعا قارسى سانكسيالاردى تولىقتاي قولدايتىنىن تاعى دا قايتالايمىن»، - دەدى اق ءۇي باسپا ءسوز حاتشىسى.

پىكىر قالدىرۋ

قاتىستى ماقالالار