دۇنيەجۇزىلىك فۋتبول جۇلدىزدارى «استانا ارەنا» الاڭىندا وينايدى دەپ حابارلايدى Qamshy.kz اقپارات اگەنتتىگى. استانامىزدا حالىقارالىق «Expo 2017 Football Cup» فۋتبول ءتۋرنيرى وتەدى. بۇل تۋرالى پرەسس-كونفەرەنسيا بارىسىندا «استانا ەكسپو-2017» ۇك» اق دامۋ جانە تۋريزم دەپارتامەنتىنىڭ ديرەكتورى اللەن چايجۋنۋسوۆ حابارلادى. ول ءوز سوزىندە وسى ءتۋرنيردى قازاقستان استاناسىندا العاش رەت ورىن الاتىن بىرەگەي ءىس-شارا دەپ سيپاتتادى.

«5-6 تامىزدا حالىقارالىق «EXPO 2017 Football Cup» ءتۋرنيرى وتەدى. قازاقستان، رەسەي، يتاليا، گەرمانيا، پورتۋگاليا جانە الەم قۇراما كوماندالار «استانا ارەنا» الاڭىندا كەزدەسەدى. وسى بىرەگەي ءىس-شارا «اڭىزدار كۋبوگىنە» ۇقساس كەلىپ قازاقستان استاناسىندا العاش رەت وتكەلى تۇر»، - دەپ حابارلايدى اللەن چايجۋنۋسوۆ.

قازاقستان فۋتبول فەدەراسياسى پرەزيدەنتى سەيلدا بايشاكوۆ مەملەكەتتىك قۇرامادا ولەگ ۆوسكوبوينيكوۆ، يگور اۆدەيەۆ، اندرەي كارپوۆيچ، قايرات اۋباكيروۆ، مۇرات تلەشيەۆ، نۇربول جۇماسكالييەۆ جانە اندرەي فينونچەنكو جانە باسقا دا وتاندىق فۋتبول ارداگەرلەرى وينايتىنىن اتاپ ءوتتى. سونىمەن قاتار، ول حالىقارالىق تۋرنير اياسىندا فۋتبول جانكۇيەرلەرمەن كەزدەسۋ جانە سپورتتىق مەكتەپ تاربيەلەنۋشىلەرىنە شەبەرلىك ساباقتار وتەتىنىن حابارلادى.  

«تۋرنير شەڭبەرىندە بىرنەشە شارالار وتەدى. 4 تامىزدا 17.30- دا ەكسپو-2017 كورمەسىندەگى امفيتەاتردا كوماندالاردىڭ فۋتبول جانكۇيەرلەرىمەن كەزدەسۋى، فوتو جانە قولتاڭبا قويۋ سەسسيالارى وتەدى. 6 تامىزدا ساعات 10.00-دەن 12:00-گە دەيىن بالالار-جاسوپىرىمدەر سپورتتىق مەكتەپ تاربيەلەنۋشىلەرىنە ويىنشىلار قاتىسۋىمەن شەبەرلىك ساباقتار ۇيىمداستىرىلادى»، – دەيدى سەيلدا بايشاكوۆ.

ۇيىمداستىرۋشىلاردىڭ ايتۋىنشا، فۋتبول جارىسى بيلەتىنىڭ قۇنى 2000 تەڭگە بولادى، العان بيلەت ارقىلى كەشكى ۋاقىتتا 18.30-دان كەيىن حالىقارالىق ەكسپو-2017 كورمەسىن تاماشالاۋعا بولادى.