ەلوردالىق اكىمدىك پەن قالا اۋداندارىنىڭ توپ-مەنەدجەرلەرى قوعامدىق كولىكپەن جۇرەتىن بولدى دەپ حابارلايدى Qamshy.kz اقپارات اگەنتتىگى sputniknews.kz مالىمەتىنە سۇيەنىپ. بۇل تاپسىرمانى استانا اكىمى اسەت يسەكەشيەۆ قول استىنداعىلارعا بەرگەن.

"ەلوردا باسشىلارى، قالا اكىمى مەن ورىنباسارلارىنان باستاپ، اۋدان اكىمدەرى مەن ورىنباسارلارى اپتاسىنا بىرنەشە رەت، سونداي-اق باسقارما، قالا ۆەدومستۆولارى مەن قۇرىلىمدىق بولىمشەلەر باسشىلارى كۇنىنە ءبىر رەت قوعامدىق كولىكتى پايدالانۋى ءتيىس"، — دەدى يسەكەشيەۆ بەيسەنبى كۇنى جينالىستا.

ماۋسىم ايىنىڭ ورتاسىندا ەكسپو-2017 كەزىندە كولىكپەن قامتاماسىز ەتۋ جانە قالاداعى جول قوزعالىسىن ۇيىمداستىرۋ ماسەلەلەرى بويىنشا وتكەن جينالىستا استانا اكىمى قالالىق اۆتوبۋستاردىڭ قىزمەت كورسەتۋىن  قاتاڭ باقىلاۋعا الۋعا ۋادە بەرگەن ەدى.