اقش-تىڭ تىنىق مۇحيتى فلوتىنىڭ كومانديرى سكوتت سۆيفت اقش پرەزيدەنتى دونالد ترامپ بۇيرىق بەرسە قىتايعا يادرولى سوققى جاسايتىنىن مالىمدەدى دەپ حابارلايدى Qamshy.kz اقپارات اگەنتتىگى اسسوشيەيتەد پرەسس اگەنتتىگىنە سىلتەمە جاساپ.

سۆيفت اقش پەن اۆستراليانىڭ بىرلەسكەن اسكەري وقۋلارىنان كەيىن كونفەرەنسيادا ءسوز سويلەدى. عالىمداردىڭ ءبىرى ودان «دونالد ترامپ ەندىگى اپتادا قىتايعا يادرولى سوققى جاساۋعا بۇيرىق بەرسە ورىندايسىڭ با؟» دەگەن سۇراعىنا ويلانباستان «ءيا» دەپ جاۋاپ بەردى.

ادميرال ءار امەريكاندىق سارباز باس قولباسشىعا سەرت بەرگەنىن دە اتاپ ءوتتى. ۆاشينگتون مەن پەكين قارىم-قاتىناسى قيىن ساتتەردى باستان وتكەرۋدە. وتكەن اپتادا جۇڭگو تاراپى بىرنەشە ايدىڭ ىشىندە ءۇشىنشى مارتە امەريكاندىق ۆمس ۇشاعىن وڭتۇستىك جۇڭگو تەڭىزىنەن ۇشىپ بارا جاتقان جەرىنەن ۇستاعان. شىلدە ايىنىڭ باسىندا پەكين ۆاشينگتوندى امەريكاندىق ەسمينەستىڭ جۇڭگو وزدەرىنىكى دەپ ەسەپتەيتىن سيشا ارالىنداعى اكۆاتورياعا كىرۋ ارقىلى حالىقارالىق قۇقىقتى بۇزدى دەپ ايىپتادى.

ەلدىڭ ءسىم ۆاشينگتوندى ەكى جاقتى قارىم-قاتىناسقا تەرىس اسەرىن بەرەتىن ارانداتۋشىلىق ارەكەتتى توقتاتۋعا شاقىردى.

سونىمەن قاتار، ترامپ اكىمشىلىگى قىتايمەن بيزنەس باستامالاردى كوتەرىپ جۇرگەن كىشىگىرىم جۇڭگو بانكتەرىنە جانە ت.ب ۇيىمدارىنا قارسى سانكسيا ۇيىمداستىرىپ جاتىر.

شەكتەۋ شارالارى ەندىگى اپتادا قابىلدانۋى مۇمكىن جانە ول پحەنياننىڭ يادرولى جانە زىمىران باعدارلاماسىمەن بايلانىسى بار  قارجى ينستيتۋتتارىن دا زاردابىن تيگىزۋى مۇمكىن.