«ەكسپو-2017» حالىقارالىق كورمەسى كەزىندە قوناق ۇيلەر مەن تاماقتانۋ ورىندارىنان تۇسكەن سالىق 2،6 ەسە كوبەيگەن. سونىمەن قاتار بازارلار، ساۋدا ورىندارى، ويىن-ساۋىق ورتالىقتارىن ارالاۋشىلار ەكى ەسەگە ارتقان، دەپ حابارلايدى Qamshy.kz اقپارات اگەنتتىگى استانا مەديا ورتالىعىنا سىلتەمە جاساپ.

ماسەلەن، ماۋسىم ايىندا قوناق ءۇي، مەيرامحانا جانە وزگە دە تاماقتانۋ ورىندارىنان 142،2 ملن. تەڭگە جينالىپتى.

«بۇل وتكەن جىلدىڭ وسى كەزەڭىمەن سالىستىرعاندا 2،6 ەسە نەمەسە 89 ملن. تەڭگەگە ارتىق (2016 جىلى ماۋسىمدا 53،3 ملن. تەڭگە سالىق الىنعان)»، — دەيدى «استانا كونۆەنشن بيۋرو» ج ش س ديرەكتورى سانيار ايتەكەنوۆ.

ونىڭ ءسوزىن جالعاستىرساق، كورمە اشىلعاننان كەيىن ساۋدا، ويىن-ساۋىق ورىندارىنا كەلۋشىلەر 19 مىڭنان 30 مىڭعا جەتكەن. بۇل وتكەن جىلمەن سالىستىرعاندا ەكى ەسە كوپ دەگەن ءسوز.

قازىرگى ۋاقىتتا قالادا 9 ساۋدا، ويىن-ساۋىق ورتالىعى بار. بازارلارداعى ساۋدا-ساتتىق تا ەكى ەسە ۇلعايعان. ماسەلەن، «شارىن» بازارىنداعى ساۋدا 30%-دان 60%، «شاپاعات» ساۋدا ورتالىعىنداعى ساۋدا 40%-دان 80% جەتكەن. بارلىق بازارلارداعى تۇتىنۋشىلار وتكەن جىلدىڭ ءدال وسى كەزەڭىمەن سالىستىرعاندا 2-2،5 ەسە كوپ.

ءساۋىر ايىنان باستاپ وسى كۇنگە دەيىن استانادا 26 وڭىرلىك اۋىل شارۋاشلىعى جارمەڭكەسى ءوتتى. وندا 10،6 مىڭ توننا ازىق-تۇلىك ساتىلعان. ونىڭ 3،2 مىڭ مىڭ تونناسى جەمىس-جيدەك.

ەسكە سالساق، قازىرگە دەيىن ەلدىڭ وڭىرلەرىنەن جانە الىس-جاقىن شەتەلدەردەن EXPO-عا ميلليوننان استام قوناق كەلدى. EXPO — 2017 Astana ۇلتتىق كورمەسىن تولىقتاي ارالاپ شىعۋ ءۇشىن ءاربىر قوناققا كەمىندە 4 كۇن ۋاقىت قاجەت. قوناقتار سونداي-اق استانانىڭ كورىكتى جەرلەرىن ارالاي الادى.