بۇل زاڭ شىلدە ايىنان باستاپ كۇشىنە ەندى. شىمكەنتتە باس قوسقان تابيعات ساقشىلارى وسىمدىكتەر مەن جانۋارلاردى قورعاۋ تۋرالى قۇجاتقا ەنگىزىلگەن وزگەرىستەرمەن تانىستى، دەپ جازادى Qamshy.kz اقپارات اگەنتتىگى.

جيىندا قورىقشىلار كوكەيلەرىندە جۇرگەن ساۋالدارىن ورتاعا سالدى. ويتكەنى وسى كۇزدە زاڭعا تاعى ءبىرقاتار تولىقتىرۋ ەنگىزىلمەك. ەرەكشە قورعالاتىن ايماقتاردا اڭشىلىققا، بالىق اۋلاۋ كەزىندە جۇڭگو تورىن قولدانۋعا مۇلدەم بولمايدى. ال بۇعان دەيىن سەكسەۋىلدىڭ وزدىگىنەن ءوسىپ جەتىلۋ كورسەتكىشى تومەندەپ كەتكەندىكتەن، ونى جاپپاي كەسۋگە موراتوريي جاريالانعان ەدى.

سوعان قاراماستان ولاردى قورعاپ قالۋ مۇمكىن بولماي تۇر. ءتىپتى جانارماي بەكەتتەرىندە اعاش اشىق ساۋداعا تۇسكەن. ەندى وعان ءبىرجولا توسقاۋىل قويىلدى. ءقازىر سەكسەۋىل القابىن كوبەيتۋ ماقساتىندا ارال تەڭىزى ماڭىندا وڭتۇستىك كورەيالىق ينۆەستورلارمەن بىرلەسىپ، كوشەتتەر وتىرعىزىلىپ جاتىر. ودان بولەك نەمىس كاسىپكەرلەرى دە وسى سالاعا قاراجات قۇيا باستاپتى.