اقمولا وبلىسىندا جاقىندا ورتا ازياداعى ەڭ ءىرى كۇن ەلەكتر ستانسياسىنىڭ قۇرىلىسى باستالادى، دەپ جازادى Qamshy.kz اقپارات اگەنتتىگى. بۇل تۋرالى وڭىرلىك كوممۋنيكاسيالار قىزمەتى حابارلادى.
سەلينوگراد اۋدانىنىڭ قابانباي باتىر اۋىلى جانىنان تۇرعىزىلاتىن نىساندى «KB Enterprises» اتتى شەتەلدىك كومپانيا قولعا الىپتى. ينۆەستور بۇل جوباعا 165 ميلليون ەۆرو قارجى قۇيماقشى. ال قۋاتتىلىعى 100 مۆت ەلەكتر ستانسياسىن سالۋعا 300 گا. جەر تەلىمى بولىنگەن. نىساننىڭ ينجەنەرلىك مەردىگەرى SUMEC CLEAN ENERGY INTERNATIONAL CO.LTD حالىقارالىق حولدينگى.
قۇرىلىس جۇمىستارى، ەنەرگەتيكا سالاسىنداعى الەمدىك كوشباسشى ABB ەۋروپالىق كونسەرنىمەن بىرگە جۇزەگە اسىرىلماق. اتالعان كونسەرن ەلەكتر ستانسياسىنا قاجەتتى قوندىرعىلاردى ورناتۋمەن اينالىسادى. تىڭ جوبا اۋداندا جاڭا جۇمىس ورىندارىنىڭ اشىلۋىمەن قاتار ەلىمىزدە «جاسىل ەكونوميكانىڭ» دامۋىنا زور ۇلەس قوسادى دەپ كۇتىلۋدە.
پىكىر قالدىرۋ