يوردانيا 2020 جىلعا قاراي جاڭارمالى ەنەرگيا كوزدەرىنەن الىناتىن قۋاتتى 20% ارتتىرۋدى كوزدەپ وتىر. بۇل جايلى ەكسپو-2017 حالىقارالىق مامانداندىرىلعان كورمەسى اياسىندا يوردانيانىڭ ۇلتتىق كۇنىن تويلاۋ بارىسىندا يوردانيا حاشەميت كورولدىگىنىڭ قازاقستان رەسپۋبليكاسىنداعى توتەنشە جانە وكىلەتتى حاتشىسى احماد يدريس ەنناب مالىمدەدى. ءوز سوزىندە ول يوردانيا ەنەرگەتيكا سەكتورىن ءارتاراپتاندىرۋ سالاسىندا قىرۋار جۇمىستاردى اتقارىپ جاتقانىن جانە ەنەرگەتيكالىق تاۋەلسىزدىكتى ارتتىرۋ ءۇشىن بار كۇش جۇمساپ جاتقانىن ايتتى، دەپ حابارلايدى Qamshy.kz اقپارات اگەنتتىگى ەكسپو-2017 مەديا ورتالىعىنا سىلتەمە ءجاساپۇ
«يوردانيا ءوز تۇرعىندارىنىڭ ەنەرگەتيكالىق قاجەتتڭىلىكتەرىن قامتاماسىز ەتۋ ءۇشىن بار كۇشىن سالۋدا. سوندىقتان ەنەرگيا كوزدەرىن ءارتاراپتاندىرۋ يوردانيا ۇكىمەتىنىڭ باستى ماقساتتارىنىڭ ءبىرى. يوردانيا ەنەرگەتيكا سالاسىنا تارتىلعان ينۆەستيسيالار كولەمى بويىنشا سالىستىرمالى تۇردە ءوز ءوڭىرىنىڭ كوشباسشىسى. مەملەكەتتىڭ باستى ەنەرگەتيكا ساياساتى – مۇنايعا دەگەن تاۋەلدىلىكتى بارىنشا ازايتىپ، تابيعي گازدى دۇرىس پايدالانۋ جانە ەنەرگەتيكا سەكتورىندا جاڭارتپالى ەنەرگيا كوزدەرىنىڭ ءرولىن بارىنشا بەكىتۋ. ەنەرگەتيكا سالاسىن ءارتاراپتاندىرۋ بويىنشا يوردانيانىڭ ەنەرگەتيكالىق ستراتەگياسىنىڭ باستى ماقساتى – ەنەرگەتيكالىق قاۋىپسىزدىك پەن ەكولوگيالىق تۇراقتىلىق»، - دەدى احماد يدريس ەنناب.
ءوز كەزەگىندە، قازاقستان رەسپۋبليكاسى اۋىل شارۋاشىلىعى مينيسترلىگىنىڭ جاۋاپتى حاتشىسى ەرمەك كوشەربايەۆ قازاقستان مەن يوردانيا بارلىق سالالاردا ەكى ەل اراسىندا ءوزارا دوستاستىق پەن باۋىرماشىلدىق قارىم-قاتىناس ورناعانىن ايتا كەتتى. يوردانيانىڭ ەكسپو-2017 كورمەسىنە قاتىسۋى ەكى ەلدىڭ ءوزارا ءتيىمدى ىقپالداستىقتى ارى قاراي دامىتۋعا نيەتتى ەكەنىن جەتكىزدى.
«ەكسپو-2017 حالىقارالىق مامانداندىرىلعان كورمەسى تاقىرىبى بۇكىل دۇنيە جۇزىنە وزەكتى بولىپ تابىلادى جانە ءبىزدىڭ ويىمىزشا، بۇل كورمە الاڭىندا قويىلعان جاڭالىقتار تەك قازاقستان ءۇشىن عانا ەمەس، جالپى الەم ەكونوميكاسىنىڭ دامۋى ءۇشىن وتە پايدالى بولادى دەگەن ويدامىز. يوردانيا جاڭارمالى ەنەرگيا كوزدەرى سالاسىندا جوعارى الەۋەتكە يە جانە ونىڭ كورمەگە قاتىسۋى سول الەۋەتتى دۇرىس باعىتتا دامىتىپ، قولدانۋىنا نيەتتى ەكەنىن كورسەتەدى»، - دەدى ەرمەك كوشەربايەۆ.
ەسكە سالا كەتسەك، بيىل قازاقستان مەن يوردانيا اراسىنداعى ەكى جاقتى ديپلوماتيالىق قارىم-قاتىناستىڭ ورناعانىنا 24 جىل تولىپ وتىر. وتكەن ۋاقىت ارالىعىندا ەكى ەل اراسىندا دوستىق قارىم-قاتىناس قالىپتاستى
پىكىر قالدىرۋ