الماتى وبلىسىندا "سەرپىن" باعدارلاماسى بويىنشا قۇجاتتاردى قابىلداۋ باستالدى، - دەپ حابارلايدى Qamshy.kz اقپارات اگەنتتىگى Tengrinews.kz سايتىنا سىلتەمە جاساپ.

بۇگىندە بۇل باعدارلاما بويىنشا بۇكىل رەسپۋبليكا بويىنشا 12 000 ستۋدەنت وقىپ جاتىر. 22 جوعارى وقۋ ورنى تاڭدالدى. ايتا كەتەيىك، تاڭدالعان وقۋ ورىندارى ەلىمىزدىڭ ۇزدىك جوو-لارىنىڭ قاتارىنا كىرەدى. وڭىرلەردە قۇجاتتاردى قابىلداۋ باستالدى.

23-30 شىلدە ارالىعىندا تالدىقورعان مەن الماتى وبلىسىندا قۇجاتتاردى قابىلداۋ ءراسىمى وتەدى. بۇل تۋرالى وڭىرلىك كوممۋنيكاسيالار قىزمەتىنىڭ بريفينگى كەزىندە بەلگىلى بولدى.

ق ر بعم "سەرپىن" ۇلتتىق جوبالار باسقارماسىنىڭ باسشىسى كۇلزيا توباتايەۆانىڭ ايتۋىنشا، الماتى وبلىسىندا  "سەرپىن" مەملەكەتتىك ءبىلىم بەرۋ باعدارلاماسىن جۇزەگە اسىرۋ جۇمىستارى جالعاسىپ جاتىر. بۇل باعدارلاما ارقىلى جاستار ەڭبەك نارىعىندا جوعارى سۇرانىسقا يە ماماندىقتاردى وقىپ، كەيىن جۇمىسقا تۇرا الادى.

"2017-2018 وقۋ جىلىنا 720 ءبىلىم بەرۋ گرانتى ءبولىندى. "سەرپىن" مەملەكەتتىك باعدارلاماسىمەن بىرگە قىزمەت ەتەتىن تاعى ەكى وقۋ ورنى قوسىلدى. بيىل العاش گرانتتاردى العاش ستۋدەنتتەر وقۋ بىتىرەدى. سونداي-اق، باعدارلامانىڭ وسىنداي اۋقىمدى دەڭگەيىنىڭ ارقاسىندا ءبىز كەلەسى جىلى ماگيسترانتتارعا دا گرانت ءبولۋدى جوسپارلاپ وتىرعانىمىزدى ايتىپ وتكىم كەلەدى. قۇجاتتاردى قابىلداۋ تەك 2018 جىلدان باستالادى"، - دەدى ق ر بعم "سەرپىن" ۇلتتىق جوبالار باسقارماسىنىڭ باسشىسى كۇلزيا توباتايەۆا.

ايتا كەتەيىك، وسى باعدارلاما بويىنشا ءبىلىم الىپ جاتقان ستۋدەنتتەرگە مەملەكەت شاكىرتاقى تولەيدى جانە ولارعا ۋاقىتشا تەگىن جاتاقحانا بەرىلەدى. سونداي-اق، ستۋدەنتتەرگە جىلىنا ءبىر رەت ءتۇرلى شىعىندارى اقشا بەرىلەدى.

ەسكە سالا كەتەيىك، كوللەدج ستۋدەنتتەرىنە قىتايدا تاجىريبەدەن وتۋگە مۇمكىندىك بار. گرانتقا يە بولعان ءار ستۋدەنت شەتەلدە وقىپ كەلە الادى.

بۇگىندە وسى باعدارلامامەن وقىپ جاتقان 22 ستۋدەنت پولشاعا بارىپ كەلدى. سونداي-اق، قازىرگى ۋاقىتتا ستۋدەنتتەر بولگارياعا وقۋعا دايىندالىپ جاتىر.