ۇلت جوسپارىندا ەسەپ بەرەتىن مەملەكەتتى قالىپتاستىرۋ بەسىنشى ينستيتۋسيونالدىق رەفورما رەتىندە بەلگىلەنگەن بولاتىن. ق ر اقپارات جانە كوممۋنيكاسيالار ءمينيسترى داۋرەن ابايەۆتىڭ ايتۋىنشا، «100 ناقتى قادامدا» اتالعان رەفورمانى ىسكە اسىرۋدى كوزدەيتىن ءبىرقاتار شارالار تولىعىمەن اتقارىلدى، دەپ حابارلايدى Qamshy.kz اقپارات اگەنتتىگى قازاقپاراتقا سىلتەمە جاساپ.

«اتاپ ايتقاندا، 94-قادام بويىنشا «اقپاراتقا قول جەتكىزۋ تۋرالى» زاڭ قابىلداندى. وسى جۇمىسقا ۇكىمەتتىك ەمەس ۇيىمدار بەلسەنە اتسالىستى. زاڭدا شىن مانىندە كوپتەگەن وڭ باستامالار كورىنىس تاپتى. وسىنىڭ بارلىعى ءاربىر ازاماتقا مەملەكەتتىك ورگاندار قىزمەتى تۋرالى اقپاراتتى ەركىن الۋ مەن تاراتۋعا مۇمكىندىك بەرەدى. زاڭنىڭ تاعى ءبىر ءتيىمدى تۇسى، اقپاراتقا قول جەتكىزۋگە شەكتەۋ قويۋ شارالارىنا تىيىم سالىندى. اتالعان نورمانى بۇزعانى ءۇشىن لاۋازىمدى تۇلعانى جاۋاپكەرشىلىككە تارتۋ ماسەلەسى دە قاراستىرىلدى»، - دەپ اتاپ كورسەتتى مينيستر ابايەۆ بۇگىن ۇكىمەتتە وتكەن باسپا ءسوز ءماسليحاتىندا. ونىڭ ايتۋىنشا، اقپاراتقا قول جەتكىزۋ بويىنشا ارنايى كوميسسيا قۇرىلىپ، وسى ماسەلەنى ءجىتى باقىلاپ كەلەدى.

حالىق ەسەپ بەرەتىن مەملەكەتتى قۇرۋ جولىنداعى تاعى ءبىر شارا - «اشىق ۇكىمەت» جۇيەسىن تولىعىمەن ىسكە قوسۋ. اتالعان مىندەت 96-قادامعا جاتادى. بۇگىندە open.egov.kz - «اشىق ۇكىمەت» پورتالىندا «اشىق مالىمەتتەر»، «اشىق نورماتيۆتىك-قۇقىقتىق اكتىلەر»، «اشىق بيۋدجەتتەر»، «اشىق ديالوگ» جانە مەملەكەتتىك ورگانداردىڭ تيىمدىلىگىن باعالايتىن ءبولىم اشىلدى. ماسەلەن، «اشىق نورماتيۆتىك-قۇقىقتىق اكتىلەر» بولىمىنە كىرگەن كەز كەلگەن ادام زاڭ جوبالارىنىڭ تالقىسىنا قاتىسا الادى. «اشىق بيۋدجەتتەر» ارقىلى بيۋدجەت شىعىندارىن باقىلاۋعا مۇمكىندىك بار. ال «اشىق ديالوگتا» مەملەكەتتىك ورگان قىزمەتكەرلەرىنە تىكەلەي ساۋال جولداۋعا بولادى. «نەگىزى، «اشىق ۇكىمەت» - دەموكراتيالىق قوعامدى قۇرۋدىڭ بىردەن ءبىر جولى. مىسالى، ەندى بارلىق مەملەكەتتىك ورگاندار ءوز بيۋدجەتتەرىن اشىق تۇردە جاريالاۋعا مىندەت. دەمەك، ءاربىر ادام بيۋدجەت شىعىندارىن باقىلاي الادى. سول سياقتى «اشىق ديالوگتا» كەز كەلگەن شەنەۋنىك پورتالعا تۇسكەن سۇراققا جاۋاپ جولداۋى ءتيىس. مەملەكەتتىك ورگان كەز كەلگەن زاڭ جوباسىن قابىلداۋدىڭ الدىندا ونى حالىقتىڭ تالقىسىنا سالۋى قاجەت»، - دەپ اتاپ كورسەتتى داۋرەن اسكەربەك ۇلى.

ال مەملەكەتتىك قىزمەتتەردى ەلەكتروندى ۇلگىگە اۋىستىرۋ ارقىلى حالىقتىڭ ۋاقىتىن ۇنەمدەپ قانا قويماي، جەمقورلىق ارەكەتتەرىن دە بارىنشا ازايتۋعا بولادى. سول سەبەپتى 100-قادامدا مەملەكەتتىك قىزمەتتەردى اۆتوماتتاندىرۋ مىندەتى قويىلدى. وسىعان وراي، وتكەن جىلى «ازاماتتارعا ارنالعان ۇكiمەت» مەملەكەتتiك كورپوراسياسى قۇرىلدى. بۇگىندە كورپوراسيا ارقىلى بارلىق 723 مەملەكەتتiك قىزمەتتiڭ 548-iن نەمەسە 76 پايىزىن الۋعا بولادى. اعىمداعى جىلدا اتالعان كورسەتكiشتi 85 پايىزعا دەيiن ارتتىرۋ جوسپارلانعان. جالپى، قازىرگى كەزدە «ازاماتتارعا ارنالعان ۇكiمەت» مەملەكەتتiك كورپوراسياسىنا قاراستى 350 حالىقا قىزمەت كورسەتۋ ورتالىعى بار. جىل سايىن اتالعان ورتالىقتار سان الۋان انىقتامالاردى ميلليونداپ بەرەدى. وسىلايشا، اقپارات جانە كوممۋنيكاسيالار مينيسترلىگى بەس ينستيتۋسيونالدىق رەفورمانى ىسكە اسىرۋدىڭ ءۇش قادامىن ورىنداپ وتىر.

ايتا كەتەيىك، ەسەپ بەرەتىن مەملەكەتتى قالىپتاستىرۋ مىندەتى 91-100  قادامداردى قامتيدى. وعان باسقا مەملەكەتتىك ورگاندار دا جاۋاپتى.