قازاقستاننان قىتايعا بيداي، سويا بۇرشاعى مەن بيداي كەبەگى پارتيالارىن ەكسپورتتاۋ حاتتاماسىنا قول قويىلدى دەپ حابارلايدى Qamshy.kz اقپارات اگەنتتىگى. قحر-گە تاسىمالداناتىن وسىمدىك شارۋاشىلىعى ونىمدەرىنە ەشقانداي شەكتەۋ جوق. ناقتى ءبىر تاسىمالداناتىن ءونىم تۇرلەرىنە فيتوسانيتارلىق تالاپتاردى انىقتاۋ ءۇشىن ق ر اۋىل شارۋاشىلىعى مينيسترلىگى ارنايى جۇمىستار جۇرگىزدى. جاقىن ارادا جوڭىشقا مەن وسىمدىك شارۋاشىلىعى ونىمدەرىنىڭ 31 ءتۇرىن تاسىمالداۋ بويىنشا حاتتاما كۇتىلۋدە.
-بۇل كەلىسسوزدەر قازاقستان رەسپۋبليكاسى اگروونەركاسىپتىك كەشەنىن دامىتۋدىڭ 2017-2021 جىلدارعا ارنالعان مەملەكەتتىك باعدارلاماسىنىڭ نەگىزىندە ىسكە اسىرىلىپ جاتىر جانە وتاندىق اۋىل شارۋاشىلىعى تاۋار وندىرۋشىلەرىنە جاڭا مۇمكىندىكتەر اشادى، - دەدى ق ر اشم ۆەتەريناريالىق باقىلاۋ جانە قاداعالاۋ كوميتەتى ءتوراعاسىنىڭ ورىنباسارى ولجاس اۋسابايەۆ.
سونىمەن قاتار، مينيسترلىك پارسى ەلدەرىنىڭ نارىعىنا شىعۋ بويىنشا جوسپارىمەن ءبولىستى. مىسالى، بيىل تۇڭعىش رەت باتىس قازاقستان وبلىسىنان 18 توننا ەت يرانعا جونەلتىلگەن. سونىمەن قاتار، ەو مەملەكەتتەرى مەن جاپونيا ەلدەرىنە قىمىز ونىمدەرى ەكسپورتتالماق.
پىكىر قالدىرۋ