27 شىلدەدە قازاقستاندىق بۇقارالىق اقپارات قۇرالدارىنىڭ جۋرناليستەرى باسپا ءسوز تۋرى اياسىندا ەكسپو-2017 حالىقارالىق مامانداندىرىلعان كورمەسىندە كاتار ەلىنىڭ پاۆيلونىندا بولدى، دەپ حابارلايدى Qamshy.kz اقپارات اگەنتتىگى.

پاۆيلون ديرەكتورى مۇحاممەد سايد ال-بلوشي مىرزا جينالعان قوناقتارعا ءوز ەلىنىڭ پاۆيلونىن كورسەتتى. «ەنەرگيانىڭ جاڭا الەۋەتتەرى» اتتى پاۆيلوننىڭ اۋماعى 500 ش.م. قۇرايدى. پاۆيلوندا كاتار ەلىنىڭ قۇرىلۋ كەزىنەن باستاپ مەملەكەتتىڭ قازىرگى كەزەڭىنە دەيىن تاريحتى باياندايتىن 7 ءتۇرلى اۋماق بار.

پاۆيلون ەكى نەگىزگى كەزەڭگە بولىنەدى. ءبىرىنشىسى – ەلدىڭ تاريحى جونىندە باياندايدى. وسىعان بايلانىستى پاۆيلوننىڭ باستى فوەيەسى گيپستەن جاسالعان ويۋ-ورنەكپەن كوركەمدەلگەن. ەكىنشى كەزەڭى ەلدىڭ بولاشاعى تۋرالى، كۇن ەنەرگياسى قالاي قولدانىلاتىنى جونىندە سىر شەرتەدى.

ەلدىڭ كليماتيكالىق احۋالىنا بايلانىستى كاتار مەملەكەتى كونە عاسىردان بەرى عيماراتتاردا تابيعي سالقىنداتۋدى قولدانادى. سول سەبەپتى بۇل ەلدىڭ حالقى باعزى زاماننان بەرى عيماراتتاردى سالقىنداتۋ ءۇشىن جەل ەنەرگياسىن قولدانادى. كومىرسۋتەكتى كەن ورىندارى تابىلعان سوڭ ەل دامۋىنىڭ جاڭا كەزەڭى باستالدى، ءوز كەزەگىندە ول ءالى كۇنگە دەيىن جالعاسىپ كەلەدى.

مەملەكەت ءۇشىن تۇراقتى دامۋ ماسەلەسى ەڭ وزەكتىلەردىڭ بىرىنە اينالدى، سوندىقتان كاتار-2030 دامۋ ستراتەگياسى بەكىتىلدى، ونىڭ اياسىندا كاتارلىقتار بارلىق وبلىستاردا كۇن ەنەرگياسىن قولدانۋدى جوسپارلاپ وتىر.

ەلوردا تۇرعىندارى مەن قوناقتارى اراسىندا كاتار پاۆيلونى سۇرانىسقا يە پاۆيلونداردىڭ بىرىنە اينالدى، ەكسپو-2017 كورمەسى اياسىندا بۇل ەلدىڭ پاۆيلونىنىڭ الدىندا سۋرەتكە ءتۇسۋ داستۇرگە اينالعانداي.

"بۇل مەنىڭ قازاقستانعا العاش كەلۋىم ەمەس. قازاقستان شىنىمەن قوناقجاي مەملەكەت. استانا تۇرعىندارى وتە قوناقجاي. مۇنى ءبىز كورمەنىڭ بارىسىنان – اق بايقاۋىمىزعا بولادى. ءتۇرلى ۇلت وكىلدەرى ءبىر اسپان استىندا، ءبىر مەملەكەتتە، ءبىر قالادا ءتاتۋ-تاتتى ءومىر سۇرۋدە، بىر-بىرىنە جىلۋلىق تانىتادى ەكەن. كوپتەگەن ەلدەردەن قوناقتار كەلىپ جاتىر.  ولار بۇنى بىردەن سەزەدى دەپ ويلايمىن. قازاق حالقى وتە قوناقجاي"، -دەدى قازاقستان جايلى ءوز پىكىرىمەن بولىسە كەلە پاۆيلوننىڭ ديرەكتورى مۇحاممەد سايد ال-بلوشي.