2017 جىل 27 شىلدەدە 15.00 ساعاتتا استانا قالاسىنىڭ اكىمدىگىندە استانا ق. قالا ماڭى اۆتوبۋستىق تاسىمالداردا جولاقىسىن ەلەكتروندىق تولەۋ جۇيەسىن (جەتج) ەنگىزۋدىڭ IV-كەزەڭىن ىسكە اسىرۋ جانە قالالىق جولاۋشىلار كولىگىنىڭ ءجۇرۋ سحەماسىن وزگەرتۋ جونىندەگى ماسەلەلەر بويىنشا باسپا ءسوز كونفەرەنسياسى ءوتتى دەپ حابارلايدى Qamshy.kz اقپارات اگەنتتىگى.

ءىس-شاراعا استانا قالاسى جوللاۋشىلار كولىگى باسقارماسىنىڭ باسشىسى بەكمىرزا يگەنبەردينوۆ، «استانا LRT» ج ش س ديسپەچەرلەۋ ورتالىعىنىڭ باسشىسى باۋىرجان سەيتوۆ، استانا LRT» ج ش س تولەم جۇيەلەرى ورتالىعىنىڭ باسشىسى سەرگەي پوپوۆ جانە «استانا LRT» ج ش س جولاۋشىلار كولىگى ءبولىمىنىڭ جەتەكشى مامانى ءابدىحاميت تامابايەۆ قاتىستى.

استانا قالاسىنىڭ كولىك جۇيەسىن جاڭارتۋ شەڭبەرىندە اعىمداعى جىلدىڭ 29 شىلدەسىنەن باستاپ استانا ق. قالا ماڭى اۆتوبۋستىق باعدارلاردا جولاقىسىن ەلەكتروندىق تولەۋ جۇيەسىن (جەتج) ەنگىزۋدىڭ IV-كەزەڭىن ىسكە اسىرۋدى باستايدى. بۇل قالا ماڭى ەلدى مەكەندەرىنىڭ تۇرعىندارىنا قولما-قول تولەمنىڭ الدىندا ءبىرقاتار باسىمدىلىقتارى بار Astra كولىك كارتاسىن پايدالانۋعا مۇمكىندىك بەرەدى.

• ASTRA كولىك كارتاسىنىڭ قۇنى – 400 تەڭگە
• 10 ساپاردى جۇكتەگەندە، 11ء-شى ساپار تەگىن
• كولىك كارتاسى 60 مينۋت ىشىندە قالالىق نە ەكسپرەسس اۆتوبۋسقا تەگىن قايتا مىنۋگە قۇقىق بەرەدى، مۇندا جولاۋشى قالاعا كەلگەننەن كەيىن شىعاردا كولىك كارتاسىن ۆاليداسيادان وتكىزسە، ەلەكتروندىق تولەم جۇيەسى جۇمىس ىستەيدى.

ASTRA كولىك كارتالارىنان باسقا، قالا اۆتوبۋستىق قاتىناستا جولاقىسىن تولەۋ ءۇشىن جولاقىسىن قولما-قول تولەۋ، 9500 تەڭگە تۇراتىن اي سايىنعى جول بيلەتى (قاعاز) – بۇرىنعى تولەم تۇرلەرى ساقتالاتىن بولادى.

قالا ماڭى اۆتوبۋستارىندا جولاۋشىنىڭ كىرۋى مىندەتتى ۆاليداسيامەن جانە بيلەت ساتىپ الۋمەن الدىڭعى ەسىك ارقىلى عانا جۇزەگە اسادى.

قالا ماڭى باعدارلارىندا ۆاليداسيالاۋ كەزىندە ارەكەتتەردىڭ كەلەسى الگوريتىمىن ورىنداۋ قاجەت:

• قالا ماڭى اۆتوبۋسىنا كىرگەندە جولاۋشىلار ەلەكتروندىق كولىك كارتاسىن ۆاليداتورعا جاقىنداتۋ قاجەت. ساپار قۇنى ASTRA كولىك كارتاسىنان تاريفتىك ايماققا سايكەس شەشىلەدى.
• قالا ماڭى اۆتوبۋسىمەن قالاعا كەلگەن سوڭ، جولاۋشى 60 مينۋت ىشىندە قالالىق نە ەكسپرەسس-باعدارعا قايتا مىنسە، وندا ول قالا ماڭى اۆتوبۋسىنان شىعاردا كارتانى ۆاليداتورعا جاقىنداتۋى كەرەك.
• ەگەر جولاۋشى قالالىق نە ەكسپرەسس-باعدارعا قايتا ءمىنۋدى جوسپارلاماسا، وندا ول قالا ماڭى اۆتوبۋسىنان شىعاردا كارتانى ۆاليداتورعا جاقىنداتۋى كەرەك ەمەس.
• قالادان قالا ماڭىنا كەلگەندە اۆتوبۋستان شىعاردا كارتانى ۆاليداسيادان وتكىزۋ قاجەت ەمەس.
• جولاۋشى قالا ماڭى اۆتوبۋسىنان قالالىق نە ەكسپرەسس-باعدارعا ءبىر ساعات ىشىندە تەگىن جۇرە الادى. كەرى تارتىپتە تەگىن قايتا ءمىنۋ مۇمكىن ەمەس.

جولاقىسىن ەلەكتروندىق تولەۋ جۇيەسىن ەنگىزۋدىڭ ءبىرىنشى كەزەڭى 2016 جىلعى 30 شىلدەدە باستالعانىن ەسكە سالامىز. سونىڭ شەڭبەرىندە  قالا ماڭى تاسىمالدارىن پايدالاناتىن جولاۋشىلاردىڭ ىڭعايلىعى ساپار قۇنىن ورتا شامامەن 50 تەڭگەگە، كەيبىر جاعدايدا 100 تەڭگەگە (ارشالى-استانا) جانە 120 تەڭگەگە دەيىن (باباتاي-استانا) قىسقارتۋعا مۇمكىندىك بەرگەن كولىك ايماقتارى ەنگىزىلگەن.

قالا ماڭى اۆتوبۋستارىن ەلەكتروندىق تولەمدەر جۇيەسىنە قوسۋسىز تاريفتىك ايماقتاردى ءبولۋ تۇرعىندارعا تاريفتىك ايماق قۇنىنا ۇيرەنۋگە، تولەم جۇيەسىن تۇسىنۋگە جانە ەلەكتروندىق تولەمدەرگە جەڭىل وتۋگە مۇمكىندىك بەردى.

قالا ماڭى قاتىناسى جولاقىسىنىڭ قۇنى استانا قالاسى اكىمدىگىنىڭ 2015 جىلعى 6 قازانداعى № 108-1759 قاۋلىسىمەن بەكىتىلگەن جانە مىنانى قۇرايدى:

• جولاۋشىلار مەن باگاجدى قالالىق اۆتوبۋسپەن تاسىمالداۋعا – 90 (توقسان) تەڭگە؛
• جولاۋشىلار مەن باگاجدى ەكسپرەسس اۆتوبۋسپەن تاسىمالداۋعا – 150 (ءجۇز ەلۋ) تەڭگە؛

             جولاۋشىلار مەن باگاجدى قالا ماڭى قاتىناستا تاسىمالداۋ تاريفتەرى:

• - 1-كولىك ايماعى – 90 تەڭگە؛
• - 2-كولىك ايماعى – 200 تەڭگە؛

-3 كولىك ايماعى – 300 تەڭگە؛

- 4 كولىك ايماعى – 400 تەڭگە.  (№ 1-قوسىمشا)

قىزمەت كورسەتۋ ساپاسىن جوعارىلاتۋ، جولاۋشىلارعا بەلگىلى ءبىر جەرگە تەز ءارى ىڭعايلى جەتۋگە مۇمكىندىك بەرەتىن وڭتايلى باعدار جەلىسىن قۇرۋ ءۇشىن «استانا LRT» ج ش س تۇراقتى نەگىزدە كۇشتى جانە ءالسىز جاقتارىن شىعارا وتىرىپ، قوعامدىق كولىكتىڭ جۇمىسىن مونيتورينگتەيدى جانە تالدايدى. وسى تالداۋ ناتيجەلەرى جولاۋشى كولىگىنىڭ دامۋ باعىتتارىن جانە باعدار جەلىسىن جاڭارتۋ تۇجىرىمىن ەسەپكە الىپ، استانا قالاسىنىڭ جولاۋشىلار كولىگى باسقارماسىنا قالالىق جولاۋشىلار كولىگىنىڭ ءجۇرۋ سحەماسىن وزگەرتۋ نەمەسە باعدارلاردى جويۋ بويىنشا سوڭعى شەشىم قابىلداۋ ءۇشىن جولدانادى.

استانا قالاسىنىڭ كولىك جۇيەسىن جاڭارتۋ شەڭبەرىندە اعىمداعى جىلدىڭ 22 جانە 29 شىلدەسى ارالىعىندا كەيبىر قالالىق جولاۋشىلار اۆتوبۋسىنىڭ ءجۇرۋ سحەماسى وزگەرەتىن بولادى (№2-قوسىمشا). بۇل شارا جولاۋشىلار اعىنىنىڭ وسۋىمەن جانە جاڭا قالالىق وبەكتىلەردى، سونىڭ ىشىندە تۇرعىن ءۇي الاپتارىن پايدالانۋعا ەنگىزۋمەن شارتتالادى.

اعىمداعى جىلدىڭ 22 شىلدەسىندە «الاي-Astra» سو» - «استانا-نۇرلى جول» ت/ج ۆوكزالى» اراسىندا قاتىنايتىن، وسى باعداردىڭ ءجۇرۋ ارالىعى 35 مينۋتتى قۇرايتىن № 201 تۇنگى-ەكسپرەسس باعدار ەنگىزىلدى، ول 22:08-دەن 07:10 ساعاتقا دەيىن جۇمىس ىستەيدى.

مىنا باعدارلاردىڭ سحەماسى وزگەرتىلدى:

• «كوكتال -2» ت/ا قىزمەت كورسەتۋگە ارنالعان № 501، «سارىارقا داڭع.»، سارىارقا داڭع. بويىنداعى «حابار» اگەنتتىگى» جانىندا ادامدار جاپپاي جينالاتىن ايالدامالارعا قىزمەت كورسەتۋگە ارنالعان № 502، «كومفورت تاۋن» ءتۇ» قىزمەت كورسەتۋگە ارنالعان № 503 «Shuttle-Bus» باعدارلارىنىڭ ءجۇرۋ سحەماسىن وزگەرتۋ؛
• ۆيلياما شەكسپير كوشەسى مەن ا207 كوشەسىنە قىزمەت كورسەتۋ ءۇشىن № 64 باعدارىنىڭ ءجۇرۋ سحەماسىن وزگەرتۋ (يندۋستريالدىق پارك ايماعى)؛

2017 جىل 24 شىلدەدەن باستاپ №№ 8، 10، 15، 24، 37، 303، 304 باعدارلارىنداعى اۆتوبۋستاردىڭ سانى ءوستى، سونداي-اق 2017 جىلعى 31 شىلدەدەن باستاپ №№ 5، 12، 17، 21، 40، 46، 50، 51، 500، 504، 506 اۆتوبۋستارىنىڭ كەستەسى كۇشەيتىلەتىن بولادى. بۇل بارىنە ءمالىم قالالىق باعدارلارىنىڭ ءجۇرۋ ارالىعىن قىسقارتۋعا، ءجۇرۋ كەستەسىن ۇستانۋعا، جولاۋشىلار اينالىمىن ۇلعايتۋعا جانە قوعامدىق كولىكتى جولاۋشىلار ءۇشىن اناعۇرلىم تارتىمدى ەتۋگە مۇمكىندىك بەرەدى.

اعىمداعى جىلدىڭ 29 شىلدەسىندە ا. بايتۇرسىنوۆ كوشەسى مەن «پرومىشلەننىي» ت/ا  كولىك قىزمەتىن كورسەتۋ ءۇشىن № 50 باعدارىنىڭ ءجۇرۋ سحەماسى «استانا-نۇرلى جول» ت/ج ۆوكزالىنان «پرومىشلەننىي» ت/ا دەيىن ۇزارتىلاتىن بولادى.

سونىمەن قاتار استانا ق. قالا ماڭى ايماعىن وڭتايلاۋمەن جانە قالا ماڭى باعدارلارىنا جەتج ەنگىزۋمەن بايلانىستى «جىبەك جول اۋىلى» سوڭعى پۋنكتىنەن «استانا-نۇرلى جول» ت/ج ۆوكزالىنا» وزگەرتۋمەن № 105 ەكسپرەسس-باعدارىنىڭ ءجۇرۋ سحەماسى وزگەرەدى.