الماتى وبلىسى تۇزدىباستاۋ اۋىلىندا تۇرعىن ۇيلەر ورتەندى، - دەپ حابارلايدى Qamshy.kz اقپارات اگەنتتىگى Tengrinews.kz سايتىنا سىلتەمە جاساپ.

كۋاگەرلەردىڭ سوزىنشە، التى ءۇيدى ءورت شالعان. وسىعان بايلانىستى تالعار تاسجولىنىڭ ەكى باعىتى دا جابىلدى. 

ق ر ءىىم توتەنشە جاعدايلار كوميتەتىنىڭ رەسمي وكىلى رۋسلان يمانقۇلوۆ بۇل اقپاراتتى راستادى. كوميتەت وكىلدەرىنىڭ مالىمەتى بويىنشا، 27 شىلدەدە ساعات 22:10 شاماسىندا تۇزدىباستاۋ اۋىلى جىبەك جولى كوشەسىندە ورنالاسقان جەكەمەنشىك ۇيلەردەن ءورت شىعىپ، قاسىنداعى جيھاز سەحى ەتىپ جاسالعان ۇيگە دە وت تيگەن. ءورتتى سوندىرۋگە الماتى وبلىسىنىڭ ءورت ءسوندىرۋ قىزمەتىنىڭ 14 ءورت ءسوندىرۋشىسى مەن 3 تەحنيكا جۇمىلدىرىلدى جانە الماتى قالاسى ءورت ءسوندىرۋ قىزمەتىنىڭ سەگىز ءورت ءسوندىرۋشىسى مەن ەكى تەحنيكاسى كومەككە كەلدى. ءورت اۋماعى شامامەن 380 شارشى مەتر. 

"شامامەن ساعات 00:24-تە ءورت سوندىرۋشىلەر ءورتتى اۋىزدىقتاي الدى"، - دەپ حابارلادى يمانقۇلوۆ.