كەڭەس بارىسىندا قازاقستان ەكونوميكاسىن سيفرلاندىرۋدىڭ 2025 جىلعا دەيىنگى ەگجەي-تەگجەيلى جوسپارلارى تالقىلاندى. باعدارلامانى تابىستى ىسكە اسىرۋ ەلدىڭ باسەكەگە قابىلەتتىلىگى جانە ەكونوميكانىڭ بارلىق سالالارىندا ەڭبەك ونىمدىلىگى ءوسىمىن قامتاماسىز ەتۋگە مۇمكىندىك بەرەدى، دەپ جازادى Qamshy.kz اقپارات اگەنتتىگى پرەمەر-مينيستردىڭ باسپا ءسوز قىزمەتىنە سىلتەمە جاساپ.
مەملەكەتتىك باعدارلاما ءتورت باستى باعىتتى ىسكە اسىرۋعا باعىتتالعان: سيفرلىق ينفراقۇرىلىمدى دامىتۋ، حالىقتىڭ سيفرلىق ساۋاتتىلىعىن ارتتىرۋ، ەكونوميكانىڭ بازالىق سالالارىن سيفرلاندىرۋ جانە مەملەكەتتىك قىزمەت كورسەتۋ بويىنشا ەلەكتروندى جانە ءموبيلدى ۇكىمەت جۇيەسىن جەتىلدىرۋ.
كەڭەس اياسىندا مەملەكەتتىك باعدارلاما جوباسىن ساراپشىلىق باعالاۋ بويىنشا وتاندىق IT-ماماندار: «ەلتەكس الاتاۋ» ج ش س ديرەكتورى ن. جانىبەكوۆ، «Open IT» كومپانياسىنىڭ باسشىسى ۆ. كيم، Mirusdesk جوباسىنىڭ نەگىزىن قالاۋشى م. قۇرماشيەۆ جانە باسقالارى ءسوز سويلەدى.
پىكىر قالدىرۋ