ترياتلون بويىنشا ءتۋرنيردى وتكىزۋ كەزىندە قالادا كولىك قوزعالىسى ءۇشىن جول جابىلادى دەپ حابارلايدى Qamshy.kz اقپارات اگەنتتىگى استانا اكىمدىگىنىڭ باسپا ءسوز قىزمەتىنە سىلتەمە جاساي وتىرىپ.

كەلەسى كوشەلەردە جول جابىلادى: توقپانوۆ كوشەسىنەن قوشقاربايەۆ كوشەسىنە دەيىن ب. مومىش ۇلى داڭعىلى، ب. مومىش ۇلى كوشەسىنەن م-1 كوپىرىنە دەيىن سارايشىق كوشەسى، م-1 كوپىرىنەن گ. الييەۆ كوشەسىنە دەيىن شالقىما كوشەسى جابىلادى.

قوعامدىق كولىك جول-جونەكەي جۇرەدى.

كەرەي جانىبەك كوشەسى – وڭتۇستىك اينالما جول قيىلىسى ءىشىنارا جابىلادى.

كەرەي جانىبەك حاندارى كوشەسىنەن وڭتۇستىك اينالما جول قيىلىسىنا دەيىن كولىك قوزعالىسىنا شەكتەۋ قويىلادى.  

وڭتۇستىك اينالما تاس جولى بويىنشا قابانباي باتىر داڭعىلىنان قاراعاندى تاس جولىنا دەيىن جولدىڭ ءبىر جولاعى جابىلادى، دەگەنمەن ەكىنشى جولاق بويىنشا ەكى باعىت بويىنشا دا جول قوزعالىسى ۇيىمداستىرىلادى.